[Mr. Ali 1]

سرقة الشنط من البنات والستات منتشرة منذ زمن وخاصة في الأماكن المزدحمة مثل القاهرة .
وطبعاً شنط البنات والستات بيكون فيها خيرات كتيرة جداً , مش فلوس فقط .... لا
حاجات تانية كتير انتي يا شيماء وبنات كتير عارفاها كويس . فبتبقي صيده حلوة جداً لأي حرامي .
وبعدين انتي عايزة البنات تحط الفلوس فين ؟!!
بالنسبة للموبايل قلت كتير بلاش موبايل من أساسه مع البنات , لكن محدش عجبه كلامي ( يا ريت الحرامية تسرق كل موبايلات البنات والستات )
عدم الابلاغ عن سرقة الشنط بيكون بسبب ان بمنتهي الصراحة الشرطة لا تهتم بمثل هذه الأمور وخاصة لما يكون مفيش معاكي واسطة معتبرة !!
للأسف كثير من الحرامية أصبحوا يتمتعوا بجرأة غير عادية في السرقة .
أبلغني أحد أصدقائي والذي يعمل في القاهرة , أنه قبل عيد الأضحي بأيام قليلة وهو يستقل القطار ( طبعاً بيكون زحمة موت ) وكان يركب معه مجموعة من طلبة الجامعة وفجأة صاح أحد هؤلاء الطلبة وقال بأن الموبايل اتسرق !!
فأعطاه أحد أصدقاءه موبايل أخر ليتصل برقمه ويعرف أين الموبايل , وللدهشة الشديدة فقد قام الحرامي بالرد علي المكالمة , وحينما أخبره صاحب الموبايل بأن هذا الموبايل يخصه هو , فقام الحرامي بالرد عليه ( قصدك كان بتاعك , دلوقتي بقي بتاعي أنا واياك تتصل بالرقم دا تاني ) !!!!!
قال له ذلك وهو راكب معه في نفس القطار !!!