[سيليا]

ياجماعه انا موش فاهمه ايه حكايه المواطن اى حد يعمل حاجه او يتكلم عن حاجه يحمل المواطن كل الاعباء
يعنى هو المواطن هيلاقيها منين ولا منين
لو المواطن غلطان يبقى عشان حاجه واحده بس لانه مستسلم لكل اللى بيحصله يعنى سايب حقه يضيع موش بيعمل حاجه غير انه يدعى ع اللى واكل حقه وخلاص
انا بقى بالنسبه ليا شايفه ان العيب من الحكومه
مهو لو احنا بيحكمنا بنى ادم كان زماننا بقينا كويسين بس للاسف اللى بيحكمنا ده عامل زى حشره الجراد اللى لما بتدخل ارض تاكل كل اللى فيها ومتسبش
يجماعه انا عاوزه اقولكوا ان مصر دى غنيه جدا والله غنيه جدا بس طبعا جمال وبابا والاربعين حرامى واكلنها والعه موش مخلين للمواطن المصرى اللى انتوا بتعلقوا عليه كل غلطه ده انه يعيش وياخد حقه
انا موش عاوزه اتكلم كتير لانى لو اتكلمت اكتر من كده موش بعيد اطلع من هنا موش ع مصر دا ع جوانتانامو بس كل اللى عاوزه اقوله انكوا متعلقوش الاخطاء دى ع المواطن وبس كده عشان مطولش عليكوا