[Golden Eagle]

المشاركة الأصلية كتبت بواسطة bent 3bdo

ينادي المرضي النفسيين حاليا بالتحقيق وعقاب شيكا
أي قانون هذا الذي يجبر شخص ما علي تمثيل بلده غير التجنيد، وأي عاقل هذا الذي يفكر أن لاعب يسافر مع منتخب العسكري في بطوله وهميه بسوريا ولا يتمارض ،ثم يتمارض مع منتخب بلاده القومي؟؟؟
أي عقليه هذه التي تتحكم في رياضة مصر إعلاميا؟
لماذا لا تتطالبوا بعقاب لاعب إعتزل اللعب دوليا وهو متألق مع ناديه ويحتاجه المنتخب أكثر من أي لاعب؟؟؟بعد أن قرر عدم لعب الكره بإسم مصر،،،وهو حقه كاملا؟
لماذا تظهر أمراض العصبيه بشكل فاضح علي الاعلاميين؟
هل لو خرج شيكابالا وإعتزل دوليا رسميا ستحترموا قراره مثلما إحترمتم قرار الآخر؟؟؟
أعترض علي أول سطر
مش معني إني مختلف مع صاحب الكلام يبقي أنا اللي مريض نفسي
بس نسيبنا منه و نشوف اللي بعده
دلوقتي الاسلام بيمنع السرقة و عمل عقوبة ليها قطع اليد ( مع وجود إستثناءات )
يبقي قانون الاسلام يمنع السرقة
لما الفيفا اللي قوانينها بتتطبق علي اللعبة تعمل بند بعدم جواز إن اللاعب المطلوب دوليا ً يلعب مباراة في مدة 5 أيام بعد مباراة منتخبه اللي إعتذر عنها يبقي قانون الفيفا يمنع التهرب من تمثيل فريق البلد
دا القانون
بعيدا ً عن القانون أي لاعب بيفكر يرد جميل لمنتخب لازم ينضم و خصوصا ً ف الفترة اللي فاتت دي لأن الثقة ف المنتخب و جهازة كانت صفر
بالنسبة لجزئية السفر لسوريا أنا مش عارف عنها معلومات كافية ف هاتتأجل شوية
بالنسبة لبركات
المشكلة مش ف التهرب
المشكله إني كنت عايزك قلتلي لا أنا مش جاي
بركات كان كلامه واضح و صريح
بعد ماتش الجزائر قال لسير شحاته كفاية كدا
يعني مرسيه ع الحكاية إنه ما يحطهوش ف إعتباره
و السبب تجهيز بديل قوي لكاس العالم اللي جاي يكون عنده خبرة دولية كافية لأننا مش عايزين نهلل بالصعود و بعد كدا يبقي أكبر إنجاز لينا هو التعادل مع إنجلترا ( زي ناس كدا )
*لقد إنتظرت أن يكون هناك من يعقل الأمور ويضعها فقط في مكانها ، ولكن مثلما فتح السيد علاء حنفية الاستنفار العدائي الاعلامي ضد الجزائر ولم يسكتها إلا والده،،،فتحها شحاته علي عمرو وشيكابالا ولن يسكتها سواه.
*لقد أساء شحاته الحديث حتي لو كان واثقا منه، فلقد نسي أنه مسئولا كبيرا وحديثه مأخوذ عليه، إنه أساء إسائة بالغه لدكتور دمث الخلق مشهود له بتفوقه علميا وأخلاقيا وإتهمه بالتزوير علنا.
*وأيضا تلاعب به صغار المندوبين من القنوات وأخرجوا منه تصريحات تسئ للاعب دولي هو معشوق ناديه، فخسر كثيرون منهم وبدون وجه حق.
*قد يكون شحاته علي حق، ولكن كيف يمنع طبيب المنتخب من التأكد من الحقيقه ليطمئن قلبه قبل الحديث؟
من أعطاه الحق الإلهي لقراءة مافي الصدور وإصدار الأحكام؟
من أعطاه الحق لفهم مهنة الاطباء وتقرير الحاله؟
من قال له أن سقوط شيكابالا مفهوم وواضح أنه فعلها ليهرب من المنتخب ، وقد رأينا كيف يسقط الرجل ميتا وهو يسير في منتهي الشباب، ورأينا الرجل يسقط ميتا وهو يحرز هدفا في مباراة كرة قدم، ورأينا جميعا كيف سقط م.عبد الوهاب رحمه الله بدون قيام؟؟؟
*إذا كانت سقطة شيكابالا صادقه وكما قال د.منيري فهي تسمي بالالمانيه
hexenschuss بالعربيه الخرزه، وترجمتها بالعاميه خبطة الساحره،، وهي من ألام الظهر الفجائيه البسيطه والخطيره أيضا وتنتج عن حمل عصبي وبدني مفاجئ ..
كنت أشك كثيرا لولا حركة شيكا العصبيه أثناء وقوع جابر ،باللف الكامل لوسطه أثناء جريه والعوده بوسطه في حركه عصبيه ، وهي أول وأكبر أسباب هذا المرض مع ضغط الخوف الشديد أو العصبيه الزائده....ويعطي الاطباء فيها راحه من ٣-٧ أيام مع عدم التحميل علي عضلات الظهر التي يليها إصابة الغضروف الاسفل والفقرات القطنيه وهو مايحتاج لشهور طويله لعلاجه.
يعني حسام حسن لعب بيه مصاب ؟؟؟
دا أولا ً
ثانيا ً بالنسبة للأمراض
إحنا أخدنا ف إعدادي ف الدراسة أعراض أمراض كدا
الأمراض كان منها الانفلونزا و شلل الأطفال ( و مرضين تاني مش فاكرهم )
كل الأمراض الاربعه كان فيها إرتفاع درجة الحرارة شئ مشترك
يبقي عم الحج الكاتب عرف منين إن اللي شافه دا هو المرض اللي بيقول عليه مش حاجة مشابهه ليه ف الأعراض ؟؟؟
عندما يكون الرجل مسئولا وجب عليه فهم نتائج مايقول ويصرح به، وعندما يكون مديرا فنيا فيجب أن يعلم أنه أصبح والدا لكل لاعبي مصر وإذا وجد إبنا حاد عن الطريق وجب عليه إصلاحه والجلوس معه ، علي الاقل سيعرف الكل أن الإبن عاق وليس الاب هو العاق.
الجزأ دا صح جدا ً
كان المفروض حتي لو اللاعب بيتمارض سير شحاته يقعد معاه و يكلمه بس هو أخده التكبر شوية
و لو بصينا للأمور من ناحيته ممكن نلاقي عنده حق
أقل حاجة لما واحد ف مركز و سن حسن شحاته يقول لشيكابالا تعالي ف فريق المنتخب يقوم يروحله بالتقرير لو كان عيان
لكن مش يبعتله ورقه من دكتور الزمالك و ما يروحش بيها حتي
أظن إنه لو كان راح كان خلص الليلة
و المفروض يتعلم من عبد الواحد السيد
لكن هو بعت ورقه و قالك أنا عيان
و بعدها بكام يوم خف و لعب ماتش
*****
******
إنها رياضه وكرة قدم فقط لاغير وليست حربا مقدسه وجب فيها قتل الجندي الهارب من النزال؟؟
إنها بطوله في لعبه رياضيه لا يضمن مخلوق الفوز بها مهما بلغت قوته وتكتيكه وأسلحته الفنيه، فهي لعبه لاتفهم معاني الطبيعه والاخلاق والعلم، ووصول فرق مثل غانا وأورجواري للادوار الكبري وخروج البرازيل والارجنتين وصانعة اللعبه إنجلترا ،لهو الدليل الاكبر علي أنها لا دخل لها بالعقل والعلم.
إنها بطولات كؤوس، وليست دوري طويل الأجل يصحح البطل أخطاؤه فيها.
*شيكابالا الذي أصبح مشكله قوميه وخائن وقد يصل لحد الجاسوسيه ،يطالبون القصاص منه، هو في واقع الامر شاب محبوب جدا لكل زملاؤه ويعطف علي الضعيف والصغير فيهم ويمتلإ بالإنسانيه والخجل من الإعلام وقد تكون شيئا نفسيا يعيقه عن الاعلام ، فلا يخرج ليدافع عن نفسه أو يجتذب الاعلاميين حوله ،،،شاب بسيط جدا يعشق رمز مصري مثل محمد منير فكيف لايعشق بلده؟؟
هو بيتكلم عن نفس شيكابالا بتاع الزمالك ؟؟؟
يجوز برضو
خجل لأنه شتم جمهور التالته شمال
و رفع جزم
و عمل خناقات مع الجمهور و يقولي خجل ؟؟؟
قد يكون محبوب من زمايله
و بيحب محمد منير
بس هو حبه لمحمد منير يبقي دليل علي حبه لمصر ؟؟؟ ( ع فكره هروبه من الماتش مش معناه بالضروره العكس )
ما واحد طالع نازل يغني بحبك يا مصر و هو هربان م التجنيد
وكيف يذهب للمنتخب العسكري لسوريا في بطوله تافهه لم يراها أحد ويضيع شهرا ، إذا كان يحب الذهاب لمارينا مثلا؟ لكان الوقت الافضل للتمارض.
**إن طلب شحاته ضم شيكابالا وقد رآه يسقط في المباره عليه علامة إستفهام ضخمه؟؟؟؟؟؟؟؟
كان الاولي به الاتصال بجهازه الفني وطبيبه والسؤال عن حالته، ثم يخرجه من حساباته وعند سؤاله يكون الرد سهلا،،،اللاعب أصيب وخرج من حساباتنا للاصابه،،،ثم تفعل ماتشاء لتتأكد وتعنفه كما تريد؟؟
ولكنك كنت مبيت النيه لعلمك أنك ستختاره ويأتي تقرير ولا تقرأه وتعلن للعالم جرم شيكا وبرائتك.....وضحت يامعلم...ولكنك لست أذكي الناس.
هداك الله وإيانا.


__________________
هو عنوان الموضوع غريب
وانا شخصيا مش بحب العنواين دى
المهم ان قصدى م العنوان
ان معظم الناس لما بتحط حاجه ف دماغها مش بتغيرها
ياعنى شيكا بيتهرب يبقى بيتهرب
طب نتعب نفسنا ونفكر شويه لا
هو بيهرب ياعنى بيهرب
ومش عارفه ليه عندى ثقه ان ماحدش هيقرا الموضوع
علشان ماحدش عايز يفهم حاجه غير اللى هو عايز يفهمها وبس

سؤال بقي
هل من المصادفة إن 3 لاعيبة من الزمالك يتصابوا قبل مباراة منتخباتهم القومية و يخفوا بعدها و يلعبوا ماتش الزمالك اللي ف الدوري ؟؟؟