حرة ونزيهة وشفافة
ماهو كله تحت السيطرة
قايسين حالتها بمسطرة
وان جيت فى يوم قلبك تعب
على طول هاتعمل قسطرة
عيشتكوا فل مرفهة
مين قال ان عيشتكم خـ..
أسعارنا تحت السيطرة
وفسادنا تحت السيطرة
طوارئنا تحت السيطرة
مين قال حالتنا مبعترة
حتى انتخابات شعبنا
مين قال عليها مزورة
دا احنا انتخابتنا تمام
حرة ونزيهة ومنظرة
نتيجتها صح معبرة
فيها ايه لو ميت يقوم
يحط صوته فى الدرا
ايه يعنى نزور صندوقين
وعنيكوا فاتحة مدورة
فيها ايه نسود لجنتين
تبقى فضيحة وشوشرة
فيها ايه نسقط مرشحين
لازمتها ايه البعترة
فيها ايه لو مجلسنا كله وطنى
ومافيش معارضة حاضرة
ما هو القانون بنفصله
بوجودهم ايه اللى جرا
عيشوا حياتكوا مغمضين
واتلموا ياولاد المـ..
|