اقتباس:
|
الراجل عمال يسخن الاحزاب السياسية وينحيها عن السياسة مع انها وظيفتها لكن هو حولها لبغبغانات بتعوي وصوتها مش مسموع
|
يعني الاحزاب كان نشاطها فعال جدا وقوية ومؤثرة في الحياة السياسية في مصر و لما جه هو الاثر عليها ومنع نشاطها؟؟؟ ده كلام بردو. البرادعي طالب بمقاطعة الانتخابات لكن جماعة الاخوان و الاحزاب كلها تقريبا باستثناء جزب الجبهة قللوا من مطلب المقاطعة وراحوا اشتركوا, لكن المنعهم و حولهم لبغبغانات هو الحزب الوطني و النظام هو من زور ضج الاحزاب و خلى حزب زي الوفد يخرج من الجولة الاولى بدون مرشح واحد فكان رد فعل الوفد الانسحاب لانها مهزلة, و زيهم الاخوان عندهم 20% من مقاعد البرلمان السابق ولا مرشح واحد ينجح و كل حالات التزوير مثبتة صوت وصورة الحمد لله. قانون الطواريء هو من منع الاحزاب وحولها لبغبغانات هو المانع اي حزب معارض من انه يعمل مؤتمر جماهيري يحضره الاف الناس, ولو ربنا كرمهم وعملوا مؤتمر داخل الحزب يحضره 100 ولا 200 تلاقي الامن محاصر المقر.
اقتباس:
|
وبعدين بالذمة واحد بقاله سنة ونص عمال يشتم فالنظام ومقدمش لخطة ولا برنامج للاصلاح يتسمى ده ايه؟
|
البرادعي مش بيشتم في حد لكنه بيسمي الاشياء بأسمائها الحقيقية, النظام نظام سلطوي مستبد, ايوة هو كده فعلا دي مش شتيمة . خطة البرادعي واضحة من اول ما اتكلم العمل من اجل اجراء اصلاح سياسي حقيقي بمعنى انه تكون في مصر انتخابات حقيقية تعبر عن ارادة الناس مش تعبر عن ارادة من يحكم بالتزوير.
اقتباس:
يعني لو جه وقعد على قلوبنا 30سنة ومعملش حاجة
هو العمر فيه كام تلاتين سنة عشان نقعد نضيع فيها للي يعمل لنا البحر طحينة
|
هو ليس مرشح للرئاسة حاليا هو مسؤليته التغيير الحقيقي, وعشان خاطر كده انا معاه لاني مش عاوز مبارك الابن يلزق بالتزوير 30 سنة كمان و يكلمني عن انجازات وهمية لا وجود لها غير في صحف النظام. عشان كده انا وغيري كتيري عاوزي نظام حقيقي نقدر نختار في من يحكم ويتغير بعد كده بعد ما يكمل فترة رئاسته او يتم اسقاطه في الانتخابات التالية طالما فشل في اداء وظيفته, لكن غير كده يبقى تهريج.
اقتباس:
|
لو واحد يهودي جه وقال نفس كلام البرادعي الناس هتقول لك لو اليهود كده يبقى احنا موافقين عليه
|
كلام البرادعي كلام واضح جدا , ان نعمل من اجل حدوث تغيير حقيقي يعيد للشعب حقه في اختيار من يحكمه, ان يصبح الشعب هو السيد و الحاكم. كفاية تزوير لارادة الناس.
اقتباس:
|
مدام الحكاية كده انا عن نفسي هرشح مبارك ولو جمال دخل هرشحه
|
رشحه و ليس هناك ادنى مشكلة لو مسك الحكم طالما جاء من خلال انتخابات حقيقية بدون تزوير و تقفيل لجان و كان الفرص متكافئة بينه و بين باقي المنافسين
اقتباس:
|
عالاقل مبارك راجل عسكري ومتربي هنا والبلد هتفضل فامان معاه بعيدا عن اي شيء تاني
|
كلمة امان دي خدعة كبرى بجد. يعني ايه امان و 40% من الشعب تحت خط الفقر, و عندنا 7 مليون انسان عايشين في عشوائيات حول القاهرة وحدها. امان فين و النيل مهدد بسدود اثيوبيا وتواجد اسرائيل الكبير هناك وعجز مصر الرسمية عن فعل اي شيء. امان فين و التعليم بيخرج ناس غير مؤهلة لسوق العمل (ده في حالة انهم لقيوا وظيفة اصلا يقدموا لها). امان فين والمرتبه 1200 محسوب من الفقرا. امان فين واي مشكلة بين مسلم ومسيحي بتهدد بفتنة طائفية (و الامن له يد كبرى في الموضوع ده سياسة فرق تسد).امان فين و سيناء منسية والبدو مافيش اي حل امامهم غير انهم لاما يهربوا بضائع لاما يتاجرو في المخدارات لانعدام فرص العمل هناك باستثناء شرم الشيخ. امان فين والشرطة بتقتل الناس في الشوراع زي خالد سعيد و احمد شعبان ومصطفى عطية و من حق اي امين شرطة القبض على اي مواطن تحت سلطة قانون الطواريء. امان ايه و مصر اعلى معدل في العالم في الاصابة بمرض السرطان 100 الف حالة سنويا. امان ايه و قتلى حوادث الطرق سنويا بالالاف اكتر من ضحايا حروبنا, ولا لو ركبت قطر بيولع عبارة بتغرق و اغلب الموصلات غير ادمية. لامن الانساني منعدم في مصر
الناس مش بتدور على الملايين ولا القصور لكنهم عاوزين يعيشوا في امان حقيقي و في وطن حقيقي ولهم حقوق حقيقية في وطنهم
والاختلاف في الراي لا يفسد للود قضية 