اقتباس:
المشاركة الأصلية كتبت بواسطة لولو احلى عروسة
ماشاء الله
الموضوع جميل ومنظم
ربنا يكرمك ويزيدك من فضله
بس كان عندي استفسار واعذرني اني هخرج برا الموضوع شوية
اكيد قريت تفسير نظرية الاوتار للقوي الاربعة
معلش ممكن تشرحه باختصار حتي عشان اعرف الفكرة الاساسية ؟؟؟
معلش عارفة انو برا الموضوع شوية
بس كنت عوزة استوعبها عشان مش فهمتها اوي
|
والله نظرية الاوتار ده برضه انا مهتمتش بيها اوي
لاني مش مقتنع بيها كنظرية ممكن يكون ليها مستقبل كويس
لكن مفيش مشاكل اني اتكلم عنها
اولاً لازم نعرف ان الفيزياء حالياً في تفسير القوي الطبيعية اختلفت
بين نظريتين
النسبية العامة اللي فسرت الجاذبية بالنسبة للاجرام لسماوية و ميكانيكا الكم اللي فسرت القوي الطبيعية الثلاثة الباقية
ميكانيكا الكم تنبأت بوجود جسيم يدعي الجرافيتون و ده يكون الجسيم الناقل لتأثير الجاذبية
و هو غير مرصود بأي شكل من الاشكال
و محاولات توحيد النظريتين باءت بالفشل
فحاولت نظرية الاوتار انها تعطي فكر جديد في الفيزياء
قالت ان كل جسيم اولي في الفيزياء (الكواركات و الالكترونات و اخواتهم) عبارة عن اوتار او خيوط قد تكون مفتوحة او مغلقة و ليها ترددات و توترات علي سطحها و بتحدد خواص الجسيم و ليس لها سمك
و افترضوا انها بتتكون من جسيمات اسمها تاكيونات و دي كتلتها بالسالب لانها تقدر تتخطي سرعة الضوء (غير منطقي بالنسبالي علي الاطلاق)
يمكن تحويل وتر مفتوح الي وتر مغلق كما في ميكانيكا الكم
لكنها اعتبرت الجاذبية لها جسيم يمكنه الانتقال الي عوالم اخري (علي العلم انهم افترضوا وجود 11 بعد )
علشان كده غير مرصود
و بالنسبالي لا يمكن بأي حال بالاحوال ان يكون جسم ليه كتلة سالبة و انا غير مقتنع بأمكانية وجود اكتر من الاربع ابعاد المعروفة و كمان مش ممكن اقدر اشوف وتر بوتر تاني!!
علشان كده انا مش بحب اني اقرأ فيها لاني كمان قبل ما اقراها لازم ادرس النسبية و ميكانيكا الكم علشان اقدر احس بنفسي الفرق و ساعتها اقدر احكم علي النظرية دي كويس
ده رأيي الشخصي
اتمني اني اكون افدتك بحاجة
و شكراً لمرورك
اقتباس:
المشاركة الأصلية كتبت بواسطة misty angel
الموضوع رائع ومهم جدا واشكرك عليه
ولكن عندي تعليق بسيط علي الموجات الكهرومغناطيسية: انت قلت انها ببتتكون من تضاغطات وتخلخلات
وان الطول الموجي لها المسافه بين مركزي تضاغطين او تخلخلين متتاليين
يعني شكلها هيبقي كده
||||| | | | | | |||||
ودي اسمها موجات طولية اما الموجات الكهرومغناطيسيه عباره عن موجات مستعرضه
يعني بتتكون من قمم وقيعان زي امواج الماء
وطبعا قمم وقيعان المجال المغناطيسي متعامده مع قمم وقيعان المجال الكهربي
يعني الطول الموجي ليها المسافه بين قمتين او قاعين متتالين
او يمكن انا اللي معلوماتي قديمة وفي موجات كهرومغناطيسيةطوليه *_*
|
اعتذر علي الخطأ غير المقصود ده
اعذروني لاني مكانش عندي الوقت اني اراجع المقال قبل ما انزله
و كلامك صحيح
الموجة الكهرومغناطيسية عبارة عن مجموعة من
القمم و القيعان المتتالية و المسافة بين قمتين او قاعين متتاليين تسمي الطول الموجي للموجة و هي تحدد الطاقة اللي بتحملها الموجة
كويس انك لاحظتي الخطأ الفظيع ده
و شكراً علي التعديل
و اعتذر علي الخطأ ده مرة تانية
و جزاكي الله كل خير