اقتباس:
وده إن دل على شيء فإنما يدل على عدم قرايتك للموضوع أصلاً
وده بيأكد كلمتي تاني بتاع ترييح دماغ اللى حضرتك معترض عليها
|
متحطش السبب والنتيجة انت من نفسك
وخصوصاً لما تكون السبب والنتيجة اساساً خطأ
فدة هيوصلك لمرحلة انك تتهم ناس بحاجات خطأ
انت لو شايف انى مقرأتش الموضوع اثبت دا بحاجة خطأ فى الى انا جبتة
قولى لا دى مش فى موضوعى وكدة انت مقرأتش الموضوع
ولكن متقولش بستغل ومش بستغل وبحاول اغلطك ومش عارف اية
ما هو معلش مش حضرتك لواحدك الى بتفهم واحنا كلنا اغبياء
دى المفروض لو انت متوقعها ولو بنسبة 100% فهى توقع يحتمل الصواب والخطأ
فالمفروض تحتفظ بيها لنفسك لانك لما تكتبها ملهاش معنى غير اننا اساساً مش بنفهم
فأحنا كلنا الحمدلله بنفهم كويس جداً وبنعرف نحكم الامور ازاى
ودا الى انا مش هسمحلك انك تتهمنا بية حتى لو بدون توضيح او قصد
اقتباس:
دنا حتى حاطط جملة صغيرة في الاخر بتقول
انا لا حللت ولا حرمت
ولا جبت فتاوي ولا ايتها حاجة
|
انت عارف انت بتفكرنى بأية ؟
بدكتور غير مسلم وفى نفس الوقت ماشى حسب التيار الغربى
الى هما بيدخلو العقل فى الدين فى كل شئ
عشان يضحكو علينا
كان بيتكلم عن العادة السرية
ووضح واثبت انها مش حرام واتحدى اى شخص يثبت لة من القرأن او السنة
وليس من اى شئ اخر انها حرام
ولو بحثت فعلاً مش هتلاقى حاجة فى القرأن والسنة بتحرمها
الا اجتهاد الشيوخ والعلماء
وفى النهاية وضح انة مش شيخ ومش بيحلل ولا بيحرم دا مجرد اثباتات تعتمد على العقل فقط
انت كلامك فكرنى بنفس الطريقة دى
دا مش كلامك
اقتباس:
يشغل الكاسيت ... او الام بي بلغة العصر 
يقولك الاغاني حرام !
|
ايوة بالفعل الاغانى حرام
معنى علامة التعجب دى انك مستغرب ان الاغانى حرام !
اذاً دا يعتبر تحليل ولو لنفسك
اقتباس:
تيجي البنت تلبس البنطلون ... وفضفاض وكل حاجة
يقولك البنطلون حرام وكدا المرأة سابت لبسها الشرعي !
على الرغم من انه بيبقى احياناً اكثر حشمة لها !
|
مستحيل البنطلون يكون حشمة لاى بنت ولسبب واحد انة بيجسم جسمها
ومعنى علامة التعجب دى انك مستغرب انة حرام !
اقتباس:
تيجي تلبس الطرحة بدلاً من الخمار
يقولك الكتف باين ... ومادام الكتف باين فده تشبه بالرجال
والمتشبهات ملعونات !! (ده كان كلام بعض ناس في السعودية)
على اساس إنها شارية الكتف ده رجالي ومركباه !!
|
فعلاً الطرحة الاسبنش الى انت تقصدها دى حرام
لان هيا الى بتظهر الكتف ومعاة الرقبة
ومش حرام بس لانها تشبة بالرجال لا حرام المناطق دى تظهر من جسم المرأة
ومعنى علامة التعجب الى انت حاططها دى انك مستغرب انها حرام !
اذاً دا يعتبر تحليل ولو لشخصك
اقتباس:
تخش عالكمبيوتر وتفتح النت
يعني ... متحاولش تفتح اي حاجة غير المواقع الاسلامية !!
|
لا مش المقصود المواقع الاسلامية وفقط
المقصود المواقع الموثوقة الى مفيش فيها اعلانات وصور مخلة
وبالتأكيد مفيش مواقع كدة غير الاسلامية والتعليمية وقلة قليلة جداً من المواقع العامة
ومعنى علامة التعجب دى انك مستغرب انها حرام
اذاً انت بتحللها ولو على نفسك فقط
اقتباس:
لو فتحت منتدى .. حيقولك فيه اختلاط والاختلاط حرام
على الرغم من انه اهون بمراحل من مناظرنا في الجامعة مثلا !!
|
ايوة بالفعل الاختلاط حرام
ومفيش حاجة اسمها اهون من حاجة
والا كانو مثلاً قالو فى اندونسيا زمان
بدل زنا المحارم المنتشر بينكم خلوة زنا بس مش محارم ما هو اهون
كانو قالو مثلاً بدل ما تشربو بانجو اشربو سجاير ماهو اهون
كانو قالو مثلاً .............. كتييييييييييييييير
احنا المفروض نصلح الخطأ ونشوف علاج لة مش نصلح الخطأ بخطأ تانى
ومعنى استغرابك انة حرام
انك بتحللة ولو على نفسك فقط
وباقى كلامك كلة على نفس الوتيرة ولن استطيع التعليق على كل نقاطك بسبب طول الموضوع
ولكن هناك نقطة اخرى يجب التعليق عليها
اقتباس:
لكن لما تكتشف انه تلات تربع الشيوخ اللى قدامك ملهمش فيها !!!
والديانة عندهم مهنة
وكثرة التصريحات والتحريمات والافتاءات هي للشهرة فقط
ولا سيما عندما تكون الفتوى مثيرة للجدل !
|
معلش مين الى يكتشف ؟
انا وانت ؟
مع احترامى ليك ولنفسى بس احنا مين عشان نكتشف
احنا مش شيوخ ولا علماء عشان نفتى ونقول ان اغلب الشيوخ مهماش شيوخ
وحتى لو كدة مش احنا الى نقولها يا اخ بانزر
فية دار افتاء وفية ازهر شريف هما يقدرو يحلو المشكلة دى
واحب اوضحلك حاجة الفتوى مش بتطلع رسمية الا لما توثق فى دار الافتاء وبتتراجع من علماء كتير جداً
وقبل ما بيطلعوها بيكون عندهم الاسباب والدلائل لهذة الفتوى
مش هاجى انا مثلاً شخص عادى واقول لا الفتوى دى خطأ الــ( اى شئ محرم ) حلال مش حرام
قبل ما تعلق على كلامى احب اوضح نقطة صغيرة
انا كشخص بفعل محرمات لانى مش معصوم من الخطأ
وربما تكون حاجات من الى اتقالت فى الموضوع دا انا بعملها
وعارف انها حرام على سبيل المثال الاختلاط ولكن مش عشان انا بعمله
احللة على الناس واطلعها كفتوى للجميع واطلع ان الشيوخ خطأ وانا الى صح !
تم الرد وتم التوضيح على الرغم من انى مكنتش ناوى ارد تانى
ولكن طالما مفيش خطأ لا فى الاسلوب ولا فى الكلام لشخصى او للادارة
يبقى بالتأكيد هرد بأذن الله
فى رعاية الله