[رائحه الورد]

المشاركة الأصلية كتبت بواسطة أم هيما

نفكر احنا بقالنا قد ايه صابرين على الوضع اللى احنا فيه صبرنا واحنا بناخد 104 جنية سنتين بحالهم وصبرنا واحنا بناخد360 وبيخلصوا قبل ما نخدهم وصبرنا واحنا بقالنا خمس سنين بنشتغل وغيروا العقود وما اعترفوش بالتلت سنين اللى قبلهم وصبرنا لما فرضوا علينا شروط صعبة جداااا وصبرنا لما ضحينا باولادنا وسيبناهم وهما لسه مولودين ونزلنا الشغل عشان مفيش أجازات وضع وصبرنا لما سبناهم بردو وننزل الشغل الصبح وبعد الضهر نروح الكلية عشان التربوى ووصبرنا لما سيبنا وقصرنا فى حق اولادنا وحق ازواجنا وحق نفسينا عشان ناخد الرخصة الدولية لسه ايه نعمله معدتشي اى حاجه نصبر عليها غير الحكومه اللى كل يوم بتماطل وكل يوم تطلع بحجه وبتتذاكى علينا
دلوقتى لازم نفكر نصبر على الحكومة قد ايه انا شخصيا هصبر عليها سنة واحدة بحالها كمان مش لحد نهاية يناير وبعد كدة لو مفيش سفر يبقى اقعد فى بيتى على رأى امى واخواتى وزوجى اقعدى وكفاياكى بهدله وزل من المدرسة والمدير والإدارة والموجهين والحكومة من اصغر واحد لأكبرهم ذاللنا وماسكينا من ادينا اللى بتوجعنا ونديكى احنا ال360 جنية

عندك حق يا ام هيما قلت كل اللى جوانا لاننا كلنا تعبنا وعانينا كتير واتحملنا وصبرنا على امل اننا نلاقى نتيجه لتعبنا ده لكن للاسف عيشونا فى الام ومشاكل ومعاناه بجد لو قعدنا فى البيت اكرم لنا وبجد من كل قلبى دلوقتى انا ندمانه على السنين اللى انا ضيعتها فى العقد اللى عقدنا ده