اقتباس:
المشاركة الأصلية كتبت بواسطة ساتيو
طب حكاية جدول المذاكرة ده ايه رايك فيها كلامك فى الموضوع زى ما يكون جدول صح
|
والله حضرتيك جدول المذاكرة بيختلف من شخص لاخر..
آنا شخصيا مش بهتم بالجداول وبحب آذاكر ولو مادة واحدة في يوم بس بتركيز وفهم..
يعني قصدي اقول لحضرتيك مش بكترة المواد وعدد الساعات لا طبعا !!
آهم حاجة آفهم المادة وآركز فيها ..
كدة يبقى فعلا انجزت لكن لما بعمل جدول بضيع وقتي لاني بكون عايزة اخلص
المواد في الوقت المحدد في الجدول وطبعا ما بقدرش ودة بيسبب تسرع وقلق وآخر اليوم مش بحس آني انجزت حاجة خالص..
عموما آنا عن نفسي مش بعترف بالجداول خالص ودة بيختلف من طالب لاخر ..
وياما طلاب كانوا من الاوائل الجمهورية مكنوش بيعملوا جدول خااااالص للمذاكرة بس كانوا بيركزوا واللي بيفرق طالب عن الاخر مش بعدد المواد ولا بعدد الساعات لا طبعا..
** للتوضيح آكتر **في طالب يفضل قاعد على المذاكرة ساعات كتير وهو في الحقيقة مذاكرش حاجة لانو مش مركز لكن في طالب مش بيذاكر اليوم كلة بس يجئ في ساعتين فقط يذاكر يطلع هو اللي انجز اكتر واللي ذاكر صح اللي قعد على المذاكرة ساعتين بس بتركيز واللي فضل يذاكر وقاعد على الكتاب اليوم كلة ماأنجزش حاجة خالص!!
فأهم حاجة التركيز..
بعتذر على الاطالة..
لكن دي وجهة نظري في الجداول..
وبالتوفيق للجميع بأذن الله..
في رعاية المولى..