[نونا المصرية]

بصوا يا جماعة انا كنت واخدة انجلش مستوى رفيع المنهج عبارة عن:
3 دروس
الاول عن جزر هاواى
التانى عن شخصية اسمها ماريا مونتوسورى
الثالث عن قضايا عالمية زى التلوث وزيادة السكان
ودول زى القصة كده بتذاكريهم وبيجى فى الامتحان 6 اسئلة من ال3 دروس وبتختارى منهم 4 اسئلة

وكمان فى choose بس مش زى اللى فى الانجلش العادى لا مختلف شوية وبيجى دايما من النماذج

وفى سؤال find the mistakes وبردو غريب شوية مش فى الانجلش العادى بس بيجى من النماذج بردو

وكمان فى 3 قطع comprehension واحدة عليها اسئلة بتجاوبى عليها وواحدة عليها chose وواحدة بتختارلها افضل نهاية

واخر حاجة بتكتبى مقال من 20 سطر فى موضوع من الموضوعين اللى عندك

والمستوى ليه كتاب مدرسة ممكن تلاقيه فى المكتبة وليه كتاب نماذج روحى اشتريه من قطاع الكتب كل الاسئلة بتيجى منه
اتمنى اكون قدرت افيدكم