انقذت حياتك كتير؟؟
عارف انا النوع ده من الحوادث
مع انه مش بيحصل كتير لكن بيحصل برضه
و بالمناسبة
اللي ميعرفش المترو يعرفه بقي
المترو لما بييجي يقفل علي حد مش بيرحمه
و الحوادث بتاعته اكتر من انها تتحكي
مرة المترو قفل علي صوابع ايدي!!
و وش هاين عليه يفتح حتي علشان اشد ايدي
لغاية ما صوابعي قلبت ازرق علي بنفسجي علي الوان غريبة
و انقذني بس حبايبنا اللي بيقفوا دايماً قدام الباب علشان يفتحوه بالعافية
لا و حاجات تغيظ قوي بتحصل في المترو
نظام الشعب المصري
مفيش سؤال ميعرفوش
لما مثلاً المترو يقف لاي سبب من الاسباب
نبدأ بقي نسمع الابداع المصري
اللي يقول اصل بطاريته خلصت (علي اساس انه شغال بحجارة يعني)
و اللي يقول المترو عطل
و اللي يقولك المهندس اللي عمل المترو ده غبي
المفروض كان يعمل كذا و كذا
و تلاقيه هو اللي راكب غلط و طالع من سلم غلط
سمة من سمات الشعب المصري
و تلاقيها في كل حتة و اي مكان
ربنا يكفينا شرها و نخلص منها علي خير يارب
و مشكورة يا روز علي تثبيت الموضوع بناءاً علي طلب الاعضاء
و عودة حميدة للمنتدي لاني بقالي كتير جداً مش بشوفك عليه