30-12-2010, 02:31 PM
|
 |
الحاصل على المركز الأول فى المسابقة الثقافية مارس 2016
|
|
تاريخ التسجيل: Sep 2010
المشاركات: 1,301
معدل تقييم المستوى: 16
|
|
فعلا صدق اللي قال اللي يعيش ياما يشوف!
السلام عليكم ورحمه الله وبركاته
اولا:بجد بجد وحشتوني جدا ووحشني مواضيع منتدانا العزيز
الذي اكن له في قلبي كل الاحترام والتقدير منذ اول لحظه
سجلت فيها بالمنتدي 
ثانيا:مش عارف ابدأ بضحكه ع المواقف المضحكه اللي حكيتوها
ولا زهول واستغراب وتأمل في بعض المواقف الاخري...!!!
اصل انا ماكنتش متابع المواقف
دي كلها للاسف بسبب اعطال النت المتكررة
انا هحكي موقف يدل فعلا علي زكاء الاطفال وانا من زمان وانا
بسمع ان الطفل المصري ازكي طفل في العالم بس للاسف لحد
6 سنين (قبل مايدخل المدرسه يعني.... )
الموقف حكتهولي اختي موقف لذيذ من ضمن المواقف الكتيرة اللي
بتحصل معاها من اولادها..اختي ربنا أكرمها ب عمر 4.5سنة
وبنوته مشكله 2.5 سنه..المهم من ضمن الخناقات والمشاكل اللي
بتحصل مع الاخوات..بيغيظوا وبيكيدوا اوي لبعض فهو بيقولها انا اكبر منك
ويقف جمبها ويقولها انا اطول اهو(طبعا هو اطول لانه اكبر بسنتين)
تخيلوا الطفله الاوزعه ام سنتين ونص عملت ايه وتفكيرها راح فين
قامت جايبه كرسي ووقفت عليه وقالتله انا اطول ياهبل
وكمان قالتله اهبل عشان تغيظوا اكتر..بجد موقف هو مضحك فعلا
وفي نفس الوقف شايفين زكاء الاطفال لحد فين لأ وايه بتغيظه كمان
مش تقوله انا اطول اهو لا تقوله كلمه اهبل كمان عشان تغيظه اكتر ويحرم
يدخل معاها في منافسات تاني....بصراحه مواقف الاطفال مهما
حكينا عنها مش هتخلص وكلها مواقف مضحكه وزكيه كمان
ولا يفوتني ان اتقدم بالشكر الجزيل لاحبابنا اعضاء المنتدي الذين
اتحفونا بالمواقف المختلفه واشكر من طالب بتثبيت الموضوع
ومن قام بتثبيته...فمن لم يشكر الناس لم يشكر الله
واي موضوع يزيد اهميه باراء مشاركيه وبمواقفهم الممتعه
التي تعطينا الاستفاده والتعلم من تجارب الحياة...
فما دمنا نعيش فلا تنتهي المواقف
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|