المشكلة فى التعليم الإبتدائى
الطالب بيطلع مش جاهز لشغل اعدادى
والتوجيه ومدير المدرسة يقولك نجح العيال
والإدارة لو نسبة النجاح منخفضة يقولك ارفعها
طب فين التعليم على كده؟
ما احنا بنساوى كده العيل الشاطر بالخايب
وبعدين ازاى مثلا اعمل امتحان لمدرسة فى النقل سهل وفى طالب آخر فى مدرسة تانية فى نفس المرحلة نعمله امتحان صعب عن زميله
وكلاهما يحصل على نفس الدرجة
طب ده شغل صح؟
ولا شغل لخبطة غير عادل
والمصيبة الكبرى
الغش فى اللإمتحانات
بقى عامل زى السوس فى الخشب
والطالب بقى على يقين انه هيغش
واللى يشد اللجنة مبيدخلوهوش لجان الا فى المواد الغير أساسية
ويعامل معاملة سيئة كما لو كان هو خطأ والباقى صح
كل دى مصايب وغيرها كتير مفروض المجتمع كله يواجهها بشرط أن يقتنع بذلك