وعليكم السلام ورحمة الله وبركاته
الحمدلله احنا كويسين ..
ازيك انتي ياقمر ؟؟
يارب تكوني بخير
ياحببتي عسى ان تكرهوا شيئا وهو خير لكم
وعسى ان تحبوا شيئا وهو شرا لكم
انتي دلوقتي متضايقة انك بعيد عن مصر
ومش عارفة اد ايه ال هنا تعبانين
يعني ياروحي سبحان الله يمكن الخير فالبلد ال انتي متواجدة فيها
ولو على الخليج ما شاء الله عليهم مش بتحسي انك بعيد عن بلدك خالص
اهلهم طيبين وكويسين ..
فشدي حيلك كدا ومش تفكري في حاجة غير مذاكرتك
اكيد ماما بتتعب عشانك عشان عاوزك تكوني حاجة كويسة وتجيبي مجموع كبير
وعلى تفكيرك فالعملية .. ربنا يعافيك ويرفع عنك يارب
دلوقتي ياقمر هل انتي ضامنة انك تكوني بكرة عايشة ؟
كله بإيد ربنا يعني انتي خايفة من حاجة لسة قدامها فترة طويلة
وبعد الشر عنك يارب ممكن يحصل حاجة قبل ماتيجي اصلا ..
يعني ياعسولة فكري فالنهاردة وبس
بكرة على ربنا .. و ادعي كتيير وربنا معاك علطول
ومش تتخيلي مصر هي الجنة ال هتشيل كل همومك مرة وحدة كدا
لو تعرفي ال هنا عايشين ازاي هتقولي يارب افضل هناك علطول
يعني ارضي بقسمة ربنا
وان شاء الله تنزلي مصر اجازة و تقعدي فيها تغيري جو ..
ودايما افتكري انك بمذاكرتك دلوقتي هتكوني باخدي خطوة
كويسة انك ترجعي مصر لانك بعد الثانوية هتنزلي للجامعة
يعني فترة مؤقتة .. فشدي حيلك كويس وذاكري
وافتكري ماما واهلك اد ايه فرحتهم لما تنجحي بمجموع عالي
وربنا معاك ياحببتي
وربنا يشفيك يارب ويوفقك ..