مره شاورت عقلى ورحت المترو ركبته
كان كبوس والكل يدوس على ابنه وبنته
من المتروا واللى حصلى
الست تقف ايه يعنى والا حد ليها يقوم
وشباب ترغى تصدعنى وتزيد علينا هموم
وست قال محتشمه تقول يا فاعل خير
راحت فلوسك قاسمه انها فى الهوا تطير
على كتفى يا ناس عيل خدته من الست
واقف محتاس اميل خايف اتصور نت
ايه اللى بيحصل بس للمترو لما يهدى
تتكم اسكت هوس ايامك مش هتعدى
لو عايز تنزل فكر قبل ما تجى محطه
الباب م الناس اسكر مفيش بنها وطنطا
الناس فى علبه صفيح محشوره ومخنوقه
هموم فى هدوم مستوره وقلوب ياه محروقه