[Huda Mohammed 2010]

مش نصفها اللى جميل

القصيدة كلها جميلة ومعبرة عن مشاعر اليأس الحزين على كل شئ كان زمان فى الزمن الجميل


منديل الغريب

تانى يا عمّتى؟
بتشمى ريحة عشقك الشارد فى منديل الغريب
كان ياما كان
كان فيه شجر وغيطان وحدوته وسهر
وعيال تشت البلح وهيه بتلاعب النخل استغمايه
كان ياما كان
الله
أجمل مافى سطورك إحساسك الدائم بدفئ تراب بلدك - وطنيتك (إللى هيا مش شعارات - لكن إنتماء للأرض)
رسمت كلماتك صورة بألوانها الجميلة وحركتها الطبيعية التى ترمز للحياة والسعادة (عيال ونخل يهتز لفرحتهم) ورائحة الطين (الأرض) التى لايشعر بها الا المصرى الأصيل
الله عليك
طب عيطى ان كان لابد من العياط
واكشفى راسك واخبطيها فى الحيطان
مش قالك الولد الصغّير
اننا ف عصر الكمبيوتر والمناديل الورق
ياه!
بساطة فى اختيار الألفاظ والأمثلة (عصر الكمبيوتر) حواجز-خيال-جعلت المشاعر on & off حسب الرغبة
(مناديل ورق) حتى لا تذكرنا بالتجربة المريرة - تغيير بإستمرار مع إلقاء كل منديل استهلك

مش قلتلك لملمى دموعك
من تحت بيادات العساكر وابلعيها
يا عمتى ما عادش حد بيفتكر
الفديو جيم نسى العيال أساميها
والنهر متعبى ف قزايز البيبسى

والعشق حتى العشق متشفر!
ما عادتش تنفع رعشتك لا غنوه ولا عدودة
كل السكك متقفله وخطوتك محدوده
وام الشهيد محسوده لو افتكرها المسلسل!
الحياة بالأمل أفضل
يكفينا أن نجد أمثالك إللى إحساسهم مرهف وراقى وعشقهم ينبع من كل كلمة فى شعرهم

بحر الهوا مرشوق سفن متحالفه
أمريكا حالفه ونسل العرب متحدد
الجاز يطولك وانتى ف حضن السنابل
شط العرب ما كتبشى ولا كلمه ف جواب ابنك
ما قالش إنه أسير ولا استشهد
ما تدوريش على معنى الحزن غير فى الحلم
كل اللى ضاعوا مفقودين ف الحرب
زى اللى ماتوا ع السرير فى السِلم
قصيدة جميلة مثل باقى أعمالك التى تتميز بترابط سطورها واللمسة المصرية الجميلة

تحياتى