انا نادرا لما بتدخل في الدراسه او اكتب ردود وكده !!
بس هقولك نصايح حد عدي بالمرحله دي
بص ... اللي انت فيه ده طبيعي جدا واكيد انك لازم تبقي خايف وقلقان علي مستقبلك والا بقي متكونش انسان بيحس زينا يعني
بس لازم القلق والخوف ده يبقي ايجابي ..يعني يدفعك انك تذاكر و تبذل مجهود اكبر
ومتخلهوش يأثر عليك بالسلب ويحبطك !! دي نقطه .
النقطه التانيه .. بالنسبه للجدول ..الكلام ده مينفعش معانا احنا_المصريين_
عشان كده مش لازم جدول
اهم حاجه ...انك تستغل اي وقت متاح ومتضيعش وقتك وركز علي المواد اللي انت ضعيف فيها
وحاول تحفز نفسك وتشجعها وتخيل لو جبت مجموع كويس هتبقي فرحان قد ايه ؟؟!!
وعلي فكره ...انت لو لسه مافتحتش كتاب من اول السنه وبدأت دلوقتي من اول الكتاب ...هتلحق تخلص وتراجع كمان