السلام عليكم
ازيك يا استاذ محسن
وحشتني الالغاز ديه من زمان واحنا في الامتحانات كده
انا عندي رأيين بالنسبه للغلطه
اول حاجه اننا مينفعش نضرب المعادله في حاجتين متساويتين احنا مستنتجنهم من المعادلة ذات نفسها
بصراحة معنديش سبب مقنع ده مجرد احساس قولت اقوله يمكن يكون صح
اصل ساعات بيجيلي احساس ناحيه مسائل برده من غير مكون عارف السبب فمبرداش اتكلم ويطلع صح في الاخر
تاني حاجة وهي اننا لما هناخد الجذر التربيعي للمعادلات هيبقي فيه اجابتين وهما موجب او سالب
وبالتالي هيبقي فيه حلين
اول حل لو خدنا الاتنين الموجب مع بعض او الاتنين السالب مع بعض والحل ده هيطلع ان س = ص زي محضرتك فرضت
تاني حل لو خدنا واحد موجب وواحد سالب فهتبقي المعادله
س-ع=-ص+ع
س+ص=2ع
وهي ديه المعادله الصحيحة والحل المقبول بالنسبه للفرض اللي في السؤال هنا
ودعواتك معانا يا استاذ محسن في الامتحانات