حصريا ...... من مكتب التنسيق
يا جماعه انا لسه جاي من مكتب التنسيق :
1- اول حاجه معلقين يافطه مكتوب فيها ان مفيش حاجه اسمها تحويل بين الجامعات بس في تعديل رغبات وده مقابل 300 جنيه
2- تعديل الرغبات هيكون مفتوح من يوم الخميس الجاي لاي دوله ظهرت النتيجه بتاعتها
3- اما بخصوص باقي النتايج فهتظهر بحد اقصي يوم الخميس الجاي بس في دول ممكن تدنها للاسبوع الجاي كمان وممكن كلهم يطلعوا يوم الخميس
4- انا شفتهم وهما بيشتغلوا فيهم في مركز المعلومات جنب كليه الحاسبات جامعه القاهره وهما دخلوا بيانات الطلاب و مجاميعهم ورتبوهم بس فاضل توزيعهم ع الكليات
5- بالنسبه للثانويه السودانيه ( الشهاده بتاعتي ) فالناس قالولي انها هتبان يوم الخميس ومدام ميرفت ( اللي قالولي انها مسئوله عن الشهاده السودانيه ) قالتلي انها هتبان الخميس وانها فاضل بس توزيع الطلاب ع الكليات باستخدام برنامج وده مش هياخد دقيقه
بس مدير مركز المعلومات هوه الوحيد اللي قالي انها هتبان الاسبوع الجاي
وفيه راجل مهيس في مبني 4 قاللي انها اخر الشهر ..... بس اكيد ده مسطول
ده كان الملخص للي حصل النهارده
علي فكره مكتب التنسيق ومركز المعلومات كلامهم متناقض وممكن اتنين موظفين قاعدين جنب بعض ويقولوا كلام عكس بعض ......... عــــــــــــادي
فاصـــــــــــــــبــــــــــــــــــــــــروا
ياريت يا جماعه اللي ثانويه سودانيه يقول علي مجموعه ويقول ظروف المجاميع عنده ايه علشان نعرف ندي مؤشرات لاحسن انا خايف نتسوح زي السعوديه
|