أتذكر إنى قريت الأسباب من فترة طويلة
لكن من خلال معلوماتى هخمن حلول
دلوقت حضرتك لما بتبص لشاشة التليفزيون مثلاً هل بتلاحظ إن الفيديو هو مجرد صور متتالية ؟؟؟
صعب و يمكن ده فكرة الشريط السينمائى و الرسوم المتحركة الكرتون
فأعتقد الأمر بيرجع للعين بالدرجة الأولى العين ليها تردد معين فالعين بتنخدع فى الرؤية مش أكتر
زى صور كتير ممكن حضرتك تكون شوفتها على النت مثلاً
لكن الأسئلة الفيزيائية فعلاً لما العربية بتبطأ بتشوف العجلة ترجع لورا
أو لما تفر على الأرض نحلة لما بتقف بتلف العكس
بالنسبة للاتنين الأخرنيين أعتقد إنهم بسبب القصور الذاتى
و بالمناسبة فيه تجربتين ممكن تقولهم لذلك الطالب
ماتور صغنن و هات دائرة ورق و اقسمها لسبعة مقاطع متساوية
و كل مقطع بلون من ألوان الطيف و شغل الماتور و مش هتشوف أى لون غير الأبيض
و برده نفس الماتور و حط ورقة ريشتين مثلاً و يفرها هيلاحظ دورانها عادى
طيب خليه يفرها بحيث يحطها قدام التليفزيون و هو شغال هتحث الريش بتقف و ترجع لورا و تطلع لقدام
السبب فى التجربتين العين مش أكتر خداع
و عشان كده التليفزيون و الكمبيوتر بيضعف النظر بالإضافة لأسباب أخرى كما أظن
أرجو أكون وفيت الإجابة حقها
بالتوفيق أستاذى ،،،،،،،
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|