ربنا يكرمك علي الكلام الجامد ده
بس بجد انا كنت عايزة مساعدة من حضرتك او من اي حد هنا
انا الحمد لله ربنا اكرمني السنة اللي فاتت بمجموع كبير ودلوقتي عندي فيزياء كنت في الاول بحبها بس دلوقتي حاسة ان الوقت بيقرب وان في حاجات كتير عايزة اعملها وما فيش وقت خالص وممكن تاخد حل كتير اوي ومش بكون راضية عن نفسي فيها الا اذا حليت علي الاقل علي كل فصل حوالي 100 مسالة واكتر كمان فده بيضيع وقتي جامد وكمان بنساها اوي مهما اراجع فيها احس اني ناسياها مع اني بحفظ كويس والله
حتي اني بفكر مش ادخل الامتحانات التجريبية علشان ما تعبش اعصابي اكتر لاني بتعب اوي لما اشوف حاجة وما اعرفش احلها
وحاجة كمان اني مش بعرف اذاكر وقت الفجر لاني اساسا بنام متاخر يعنيممكن اصحي الساعة 7 كده
بالله عليك لومكاني تعمل ايه؟؟؟؟ لان حلم حياتي ان ادخل طب وخايفة اوي السنة دي اكتر من اللي فاتت بالذات من بعبع الثانوية طبعا كلكم عارفينو
|