ازيكو يا بشر عاملين ايه؟؟
كيفك يا محتاسة..ليكي واحشة
الاسبوع خلص الحمد لله يا جماعة...مبروووووووك
لا بجد مش عارفة فرحانة كده ليه ان الاسبوع خلص ...زي ما اكون هتخرج خلاص
و نستكمل فقرة الرغي الي مامنوش اي صداع
اليوم الرابع
محاضرتين فيزيا و صداااااااااع.....و الدكتور شكله مش سهل
ربنا يوفقنا
دخلت متأخرة و بعد اما دخلت قام الدكتور قال
"في حاجة عايزكوا تعرفوها...انا اما اخش مبحبش حد يخش ورايا..محدش يخش بعديا"
(و كل لبيب بالإشارة يفهم...طبعا اصدوا على الي قاعدين م الاول
)
و بعد شويةيقوم قايل.."و انا بتكلم محدش يتكلم" .."مفيش موبايل يرن"
(معلش حقه برضه..ايدك على بؤك و الموبايل سايلنت)
" الي هيتكلم هخليه عبرة للدفعة طول السنة"
(قعدت في مكاني زي تمثال رمسيس بظبط كده..اول مرة ابقى صامتة)
اليوم الخامس..محاضرتين رياضة ....و طبعا لازم اتـأخر...مبقاش أنا
بس الدكتور معلقش يعني الحمد لله ..جت سليمة
كفاية كده..عشان مااطولش عليكو
يلا سلالام
