[Mohamed.Helmy]

المشاركة الأصلية كتبت بواسطة cool girle

-كم مرة رسبت في دراستك ؟

الحمد لله ولا مرة .. و ربنا يعدي السنادي على خير

2-لو لقيت المصباح السحري وقالك اختر امنيتين في الدنيا واحققها لك هتختار ايه؟؟؟؟
مش هطلب حاجة لان كل حاجة بايدين ربنا ..
بس هطلب من ربنا .. أمنيات كتير ..
يعنى منهم . انى أدخل الكلية اللى نفسي فيها و أتخرج على خير و ألاقي شغل فى شركة نضيفة ..
و أطلب انى والدتي تحج ..

3-المبلغ اللي في جيبك دلوقتي!!

45 جنيه تقريبا و شوية فكة

4- انت بتدرس ولا موظف؟
بدرس الحمد لله .. 3 ث

5- كم ساعه بتنام فى اليوم؟

يعنى على حسب .. لو رايا مدرسة او حاجة الصبح غير المذاكرة بنام تقريبا 7 ساعات او 6
لو مش ورايا مدرسة او مشوار مهم بنام من 8 الي 10 ساعات

6-هتعمل ايه لو عايز تنام ومش قادر؟

هقوم أعمل اي حاجة أرسم أى حاجة او افتح الكمبيوتر او اتفرج على التليفزيون ..

7-لما بتكون متضايق أوووى (طفشان) وقاعد لوحدك في البيت بتعمل ايه او لو حبيت تروح تفك عن نفسك هتروح فين؟؟

فى البيت: يا أما برسم يا اما أفتح المنتدي أو أعمل ديزاين على الفوتوشوب

8- كم ساعه بتقعد على النت ?????

أحم احم .. كتيييييييير اوي مش بتفرق دراسة او غير دراسة ..
بس فى الاجازة عموما و خاصة اللى فاتت كنت بقعد فوق ال 14 ساعة و الله

دلوقتى حوالى 5 ساعات او 6

9-شعورك ايه لوكنت قاعد ع النت وفصل؟

لو مكنتش بعمل حاجة مهمة عادي ..
لو كنت بكتب رد مهم او موضوع او لسه فاتح الجهاز و عاوز أشوف مواضيع معينة ساعتها بتضايق ..

10- اذا اكتشفت ان صداقتك مع انسان طلعت مزيفه(فشنك) هيكون شعورك ايه؟

عادي ربنا يهديه..بس انا مش بثق فى حد للدرجادي (( من أصحابي طبعا))

11-لوخلف حد من اصحابك وعده معاك هتعمل ايه؟

هشوف هو عمل كده ليه ممكن يكون فى ظروف أقوي منه ..بس بتضايق بس بشوف ظروفه الاول .

12- حبيت قبل كده؟

....... لا .. و لو حبيت واحدة هتجوزها باذن الله ..
بس ده لسه بدري عليه ان شاء الله .. لما نشتغل

13-ايه رايك ف الشعر وانت بتكتب شعر ولا لأ ومين هو افضل شاعر ؟

اه بكتب حاجات بسيطة كده ..
أفضل شاعر بالنسبالي .. أخويا .. ماشاء الله عليه فى حاجات بيكتبها بتخلي الواحد يعيط

14- ايه احلى اسم عجبك في المنتدى ؟

كتير اوي بصراحة ..بس بفضل اللى يكتب الاكونت باسمه .. مش هبحصل حاجة يعنى..

15-في كم منتدى أنت مسجل وايه اسم كل منتدى؟؟وايه اول منتدى دخلته ؟

حاليا مسجل فى بوابة الثانوية العامة بس ..
بس أول منتدي أشتركت فيه و كنت بدخله بس مطولتش كتير فيه كان اسمه
زووم ان

16-كم مره سافرت؟ وفين؟

سافرت جوة مصر بس ..
بس استمعت فى الاقصر جدا ...

17- ايه هي امنيتك في الحياه؟؟؟؟

دي أمنيات كتير اوي ..
بس اني أشتغل و أتجوز واحدة نفس شخصيتى..

18- مين أهم شخص في حياتك ؟
طبعا كل اللى حواليا مهمين .. علشان كل واحد ليه دور و بكملوا بعض ..
والدي و والدتي و اخواتي و ابناء اخواتي القمرات ربنا يحفظهم ..

19-فين بتحب تقعد لما تكون معصب؟

مش فى مكان معين بس ساعات أحب أقعد لوحدي و أعيد حساباتي و ساعات أحب أقعد مع العيلة علشان أخرج من العصبية او من الخنقة دي ..

20-وايه نوع موبايلك وليه اخترت النوع ده؟

يادي الموبايل ده .. أصل انا جبت موبايلات كتير
بس حاليا اللى معايا samsung star tv
هو تاتش كده و شكله جميل ..

و أخترته علشان التاتش بتاعه و لانه شبه الآي فون

21-اكتب احلى مسج عندك!!

كتير اوي ..
بس دى آخر رسالة مش أحلى رسالة

(( بخبرتي الواسعة.
و رحوي العالية.
و أخلاقى الرياضية.
و سياستي المعهوة.
و أفقى اللا محدودة.
بسـلم عليك بنفسي
و ربنــا بنفسي.
اللهم زدني تواضع ))

22-اكتب تاريخ ميلادك..

28/5/1993

أول يوم فى الامتحانات

23- ايه اكتر نكته موتتك من الضحك
مش فاكر ..بس فاكر نكته رخمة كده ..
ان كان فى 3 اولاد صغيرين راحو يشتروا حاجة من البقال ..
فالبقال سأل الولد الاول قاله : عايز ايه يا حبيبي ؟
الولد قاله : عايز بلونة يا عمو..
قاله حاضر .. و الراجل حط السلم و طلع يجيب البلونة من الرف اللى فوق ..
ونزل أداها للولد الاولاني ده ..
سأل الولد الثاني : عايز ايه يا حبيبي ؟
قاله : عايزة بلونة كمان ياعمو ..
قاله : طيب يابنى ماقولتليش ليه و انا فوق .. أمري لله
حط السلم و طلع يجيب البلونة ..

قام سأل الولد التالت و هو فوق و قاله : عايزة بلونة يا حبيبي انت كمان ؟
الولد قاله لأ ياعمو ..
فالراجل نزل و أطمن

قام سأله و هو تحت قاله : اومال عايز ايه يا حبيبي ؟

قاله : عايز بلونتين .

هههههههه..

نكته رخمة بس اللى جه في بالى و خلاص

بعد الشر عليك طبعا

thanks

24-ايه مميزات حبيبتك /حبيبك ؟؟؟

انه يكون بيخاف ربنا فى أى حاجة يعملها ..
و باقي المميزات عادية

شكرا يا سماح على التوبيك الجميل .. استمتعت بيه جدا ..