[حميد بدوى]

اول مرة احس ان الشعب العربى عايش

والله كنت بحلف انه ميت

وشبع موت كمان
..................
الحمد لله انى طلعت غلطان

المفروض اصوم تلت تيام

ربنا يسامحنى

ويارب بقيت الشعوب

تفوق من الغيبوبة

وتصحى من حالة التوهان

ولازم الشعوب ترفض المعاهدة

اللى عملاها

مع الذل والضعف والهوان

ولازم الكل يعرف ان البلد

اللى يحكمها فرد

معدش لها مكان

بين البلدان

وبكرة يجى الطوفان

ولازم الكل يعرف

انا العالم فى حالة سبق

واحنا تحت النفق من زمان

كل الدول العربية للظلم

وللفساد عنوان

تحية لشعب تونس البطل

اول شعب يصرخ

فى وش الظلم والطغيان

اول شعب يصرخ

فى وش الحاكم والسلطان

اول شعب عربى

يستحق انه يتعمله

تعظيم سلام

اول شعب عربى

ينجح فى الامتحان

اول شعب عربى

يقول ان الشعب العربى حى

والدور على صاحبنا

وان شاء الله جاى جاى

وبكرة تقوم الثورة

وينفجر البركان

الشاعر
عبد الحميد بدوى