[جارةالوادى]

المشاركة الأصلية كتبت بواسطة محمد ابو مريم 84

يا استاذه ياريت ترحمينا من ردودك دى !! مش تبقى انت والزير قصدى الوزير

بعتذر اذا كانت ردودى بتضايق حضرتك بس للاسف انا مش هشارك فى اى كلام عن الاعتصام او التظاهر السلمى لانى مجربة الكلام ده من فترة وعارفة كويس جدا ان ده مجرد انفعال وكلام من ورا الشاشات (معلش اصلى قديمة شوية هنا ) وانا ادرى بزملائى المحترمين هيقولولك ماشى ونقف وهنعمل وفى الاخر هتقف لوحدك او اتنين ربما 3 بالكتير ده مش احباط على فكرة ده واقع لان فيه ناس كتير جدا الموضوع مش مؤثر فى حياتها وعايشة عادى ومتاقلمة مع التعاقد وفى ناس تانية معندهاش اى مانع ان الناس تقف بدالها تطال بحقوقها بس هى تشجع من هنا وخلاص ده اخرها
عموما انا الحمد لله لامن دول ولامن دول بس اللى قادرة اعمله بعمله ببعت رسايل من اميلى للوزير والاكاديمية وببعت للمجلس القومى للمرأة وهشترك مع زمايلى لما عقدى يخلص 10/3 (اذا لم يظهر جديد يعنى ونرفع قضية)وطبعا بدعى ربنا وبشوف شغلى كويس واذا قررنا فى البحيرة او على مستوى الجمهورية (بس يكون بجدمش زى المرة اللى فاتت ) نعمل وقفة عند المديرية او حتى نروح القاهرة وننظم حاجة وندعو حقوقييين ونقابيين معانا كمان هروح معاهم متهيألى انا كدة مش محتاجة انى اصرخ واهاجم الاخرين عشان ابقى اخدت موقف ايجابى وكمان مش محتاجة اتشائم او اعقد نفسى او ابقى قلقانة لانى متاكدة انى بسعى للرزق وباخد بالاسباب زى ماربنا امرنى واذا لم اوفق يبقى ده مش رزقى واكيد ربنا كاتب لى الاحسن