[الأستاذة ام فيصل]

المشاركة الأصلية كتبت بواسطة .. Mysterious ..

حقيقه مره

فيها كدبت ... ع نفسي
لما صدقت .. ومشيت
طريقي وياها
وحلمت .. ورسمت
بيت ع ورق ... من غير
لحظة .. أفكر بيها بالعقل
أو حتي أصارح نفسي
باللي أنا فيه ..
حقيقة وعلم ولا حكاية ف حلم

وعدي يوم ... وراه يوم
وأنا فاكر أني ف علم
مع ان الحكاية جوا حلم
بس مشيت .. وصدقت
واخترت الحب ...
ما هي حبيبتي
اللي قالت ...
أنا نفسي أشوفك
حاجة كبيرة
وتكبر وأكبر ... ونشوف
الدنيا طريق من نور
واللحظات تعدي علينا
من غير م نشعر
أننا موجودين جوي كون

وعدت سنة .. وراها سنة
وبعد م الحلم قرب يكون
والبيت شفته العيون
صحيت ع وهم
وكذبة ساذجة
أن الحياة .. والساعات .. واللحظات
مجرد تجربة فاشلة
وخلاص ... جه وقت الانسحاب
عشان تشوف الحياة
وتشوف ... تجربة جديدة
وأنا مكاني يا دوب ...
سلة مهملات
عشان كده ... أنا مش بلوم
ولا عاتب ع القصة
أنا عاتب ع نفسي
عشان جاتني الفرصة
مقولش آه
ورفضت ... واخترت
أقول آه
ع تجربة وإنسان
اخترني أكون بيت من أزاز
ف أي وقت سهل الوقوع

والله جميلة ياأحمد مليئه بالاحساس المرهف كالعادة
نابعة من جوه قلبك الحياة تجارب والشاطر يتعظ منها
وحشتنا والله يارب تكون بخير
تحياتي ودعواتي