[ahmed salama00]

المشاركة الأصلية كتبت بواسطة blackcat.13

شوف انا كنت كده السنه اللى فاتت
من الواضح انك بديت جامد
بس بعد كده مليت وحاسس انك مش عاوز تذاكر واتخنقت من الكتب صح
يبقى انت تعمل التالى:
1-صدقنى اهم حاجه الصلاه وانك تراعى ربنا بجد عن تجربة.
2-لو لك صحاب من اللى بيحبطوا الواحد وهمن يدحوا بلاش والنبى بيضعوا الواحد فسيبك منهم خليك مع العيال اللى لسه عندها ضمير.
3-شوف نفسك تبقى ايه وخلى الهدف ديه قدامك دايما افتكر احمد زويل والناس ديه وفكر انك ممكن تبقى زيهم.
4-اعمل جدول مذاكره تبقى هتقول مش بمشى عليه مخنوق يبقى ياريت لو حد يبقى جامد كده فالبيت يتابعك بتنفذ الجدول ولا لا حد يكون بيرعبك كده عشان تذاكر حتى لو من اقاربك بس اهم حاجه حد يبقى جامد فالمعامله ويهموا مصلحتك(يعنى مش تروح لواحد صحبك).
5-ذاكر وحب المذاكره عشان تذاكر بضمير واهم حاجه تذاكر قدامك ساعه عشان اوحش حاجه تعد تذاكر و تفضل تسرح بالساعات.
6-على فكره انت لو بديت تذاكر جامد من دلوقت هتلحق تلم الدنيا لانو لعلمك اللى بيفرق الشهور الاخيره فى ناس مش بتذاكر من الاول وتاجى فالشهور ديه تشد تلاقى مجميعها فوق فانت بديت كويس من الاول فبلاش تضيع اللى بديت بيه عشان هتندم( فى واحد نعرفه كان مقضيها وايه جى فالشهور ديه محدش شاف وشه و دلوقت فهندسه والله).
خلى بالك شد حيلك عشان اذا ملحقتش نفسك هتندم يوم النتيجه يوم متلاقى العيال اللى كانت بتتلزق فيك عشان شيفاك اشطر منهم اما تلاقيهم جابوا اكتر منك عشان كانوا دايما شايفينك اشطر فبيذاكروا عشان ينافسوك.
وخد بالك انا بديت كده بردو وجيت فالنص و فصلت ونهايتى كانت وحشه فبلاش وانا عالعموم قلتلك على اللى كنت المفروض اعمله عشان الحق نفسى ولكنى مكتشفتوش غير دلوقت.
.
ملحوظه : اهم حاجه فالوقت ده انك تحل مش بس تذاكر لو حفظت الكتاب من الجلده للجلده من غير حل يبقى ملوش لازمه.
خلى بالك لسه تقدر تلحق نفسك
ولو حاسس انك مخنوق جدا مترحش تعد عالكمبيوتر وياريت تفصله خالص اساسا هوه و التلفزيون ويوم متحس انك مضايق شوف حد فالبيت ياخدك كده فمكان بتحبه و تشم شويه هوا وترجع بعد كده بجد هتحس بتغيير بس مش تخرج مع صحابك لما تكون مخنوق لانهم هيعدوا يحكوا فحاجات فاضيه وهيصدعوك هترجع محبط وزهقان وتنام.
وربنا معاك و معانا.

والله مش عارف أشكرك غزاااي بجد شكراا قووي قوووي علي الكلام الجميل دا .... وممكن تبعتلي إيميلك في رسالة