[اميمة طه]

انت جوه مدرستك ............مطلوب منك ايه؟

اولا : الحاجات اللى هاقولها دى نتيجة لجنة مرت على المدارس وطالبتهم بيها وكمان فى ناس اتحولت تحقيقات بسببها.

1- كشكول تحضيرك:
ومش عاوزه اقول لحضراتكم انه لازم يبقى كشكول تحضير فعلا مش اجندة وعاملنها للتحضير يحتوى على التالى:
1- اول صفحة ..... الاسم والمدرسة والفصول والسنة الدراسية
ودى قسما بالله ان وكيل الوزارة حول مدرسة للتحقيق بسببها وقالها اعرف منين انه كشكولك يا ابله
2-الصفحة التالية .... الجدول المدرسى مختوم ومكتوب بقلم حبر وليس رصاص
3- الكشكول........... كله مختوم بختم المدرسة حتى الصفحات الفاضية ومرقم
4- المنهج ............مكتوب بوضوح ويحتوى على المواعيد والفترات وغيرها ومكتوب مش متصور ومدبس ومدير المدرسة ماضى عليه وانت والمدرس الاول والموجه
5-الاهتمام .........بالتحضير مش كلمتين وخلاص
6- تطابق...........التواريخ مع الكراسات فى الفصل او معمل التطوير او معمل العلوم
7-تطابق............الحصص مع الجدول المدرسى ولو اتغير الجدول او اتعدل احتفظ بالقديم
8- مراعاة الاهداف "ودى كل الناس بتبص عليها"...وان تتطابق مع الاسئلة
9-لازم ....... التحضيرة تبقى بالنظام الجديد (التعلم النشط ) ولازم تكتب استراتيجيات التدريس

ثانيا: كشكول الاحتياطى
وهو غاية فى الاهمية وطالما اسمك اتوزع احتياطى يبقى لازم تسجل الحصة عندك فى الدفتر ....وهو كمان على فكرة بيبقى مختوم ومترقم.

ثالثا: ملف انجاز المعلم المساعد:
وملف الانجاز ده عامل زى ملف انجاز الطالب بمعنى فيه كل حاجة عنك .... السيرة الذاتية--الانشطة المميزة للطلبة----الدورات اللى خدتها تبع المدرسة---- اعمالك داخل المدرسة بمعنى لو عملت حفلة تعارف بين مدرستين حط فى الملف الدعوات المختومة من المدرسة----لو عملت دوريات اختمها وحطها فى الملف ---- لو عملت شهادات للعيال برده صورها وحطها فى الملف ---- لو عملت ندوة نفس الموضوع...وشكل ابوابه فى المرفقات

رابعا: واضع لدرجاتك
داخل ملف انجاز الطالب وماضى عليه و3 تقارير و3 اختبارات تشخيصية بالاضافة الى ورقة التقويمين وكمان الاسئلة الشفهية لازم التلميذ يكتبها ويجاوب عليها وهتقولى امال اسمها شفهية ليه .... هو بيكتبها كاثبات وعلى فكرة هى حماية ليك انت امال هتحط الدرجة على الهواء ولا هنحطها على الموجات الصوتية

خامسا: النشاط المصاحب
لازم يكون معاك كشف الدرجات والانشطة موضوعة فى ملفات التلاميذ ولازم يكون ليه نشاط والا متديهوش الدرجة

سادسا: السلوك والمواظبة:
الدرجة دى 5 لكل مادة انت تديها كاملة لو مخدش انذار ولو خد يبقى تنقص الدرجة...طيب ازاى؟ كل 10 ايام غياب تنقص درجة قصادها....تمام

سابعا:نشاطك داخل المدرسة:
يعنى متريحش لازم يبقى فى لوحات عليها اسمك.ودى اطلبها فى الانشطة العادية

ثامنا : لازم دفترك يتفق مع دفتر الحضور والانصراف تماما
تاسعا:الكتاب المدرسى
هو الاول فى الفصل ويمنع بتاتا وقوفك فى الفصل ومعاك كتاب خارجى ولازم التدريبات تبقى متصححة فيه

اللى فكراه كتبته ولو افتكرت حاجة تانية هابقى اضيفها