[أشـرف فتحى]

النهاردة

تم استدعائى فى أمن الدولة بسبب (( .......))

طبعــًا رحت جرى من غير ما أعرف سبب استدعائى

بعد فترة انتظار فى الاستقبال

طلعت عند الضابط

وكان معى 4 معلمات من نفس الإدارة

طبعًا بدأ بيهم

تم توجيه نفس السؤال لهم ع الترتيب

أبلة..... هو زوج حضرتك اسمه........

ترد بنعــم ، فيرد الضابط خلاص يا أبلة.....

أصل دا جـــــواب الأمن الخاص بالتعيين

ترد الأبلة طب فى أى مشكلة
يقول لألأ ويمضى ع الجواب
وكأنــه بيقولها (( مبروك))
وهكذا مع الباقيين

حتى جــاء دورى وقالى

يا أستاذ ....... هو حضرتك كنت ملتحى

رديت بـ لأ

راح ماضى ع الجواب زى الباقيين

وقالى خلاص يا أستاذ .....

قولت له طب فى أى مشاكل بالنسبة لى

قال لأ لأ خــــالص
سلام عليكم ، وعليكم السلام

ملاحظات

* كانت فيه أبلة منتقبة وزوجها كان ملتحى .
أما الباقيين معرفش ليه ، ممكن يكونوا أو كانوا إخوان أو أزواجهم .الله أعلم

* طبعــًا كانوا هيطيروا من الفرح .
قولتلهم يا جماعة فيه مدارس عملت جواب الأمن ده واحنا منها ، ولسه فيه مدارس معملتهوش أصــلاً .

وبالنسبة للتعيين مفيش لسه تعيين ، ولكن إذا حدث تعيين ، احنا كده جوابات الأمن بتاعتنا جاهزة .

* إن شاء الله هلتحى قدوة برسولنا الكريم (ص).

* (( للأمانة )) معاملة أمن الدولة كانت لا تصدق بالذات الضابط .
دا أول ما دخلنـــا قالنا اتفضلوا اجلسوا ، كانوا أربع كراسى طبعًا الأبلوات قعدوا
والله بعت الأمين جابلى كرسى (( سبحان اللــــه ))
هى مصــــــــــــــــــــر بتتغير والا أنا مش واخد بالى .

وفى النهاية
محدش يقلق بالنسبة لموضوع الأمن خااااالص
دا إجــــراء طبيعى جــدًا

حبيت أوضح لحضراتكم مايدور الآن

ولا سبيل عن الاعتصام
30/1/2011