مساعدة فى الباب الثامن و كتاب الوزارة
اساتذة الموقع الكرام ..يا ريت حد من حضراتكم يوضحلى حاجات كدة فى الباب الثامن فى كتاب الوزارة:
1:ص196...القنطرة الملحية مكتوب كدة بالنص : "كما أن القنطرة الملحية تكون فرق جهد بين محلولى نصفى الخلية" ..طيب و فى الكتب الخارجية و ملازم كتييييييير من الأساتذة موجود انها تمنع تكوين فرق جهد ..فيا ترى ايه الصح؟؟؟ و هل ده تعديل من الوزارة ولا غلطة مطبعية؟؟؟
2:ص196...القنطرة الملحية برضو..مكتوب انها "محلول الكتروليتى لا تتفاعل ايوناته مع ايونات محلولى نصفى الخلايا ولا مع مواد اقطاب الخلية الجلفانية" ..برضو ده بالنص...السؤال بقى ازاى لا تتفاعل ايوناته مع انه فى نفس الصفحة كاتبلى "كما تقوم بمعادلة الشحنات الموجبة و السالبةالتى تتكون فى محلولى نصفى الخلية" ...يا ريت توضيح.
3:ص197...فى قطب الهيدروجين و رمزه الاصطلاحى مكتوب بطريقة مختلفة عن الرموز الااصطلاحية للعناصر و مكتوب فى آخر سطر بالنص برضو "كذلك الحالة فى انصاف الخلايا الغازية" ..طب معنى كدة لما اكتب رمز اصطلاحى لقطب غازى اكتبه بالطريقة ديه الللى هى Pt+H2(atm.)/2H+
ولا اكتب عادى زى اى رمز اصطلاحى؟؟ مع العلم ان اجابات كتاب الامتحان فى سؤال اجابته كاتب فيها رمز اصطلاحى لغاز بالطريقة العادية مش الطريقة ديه.
4:ص202...فى رسم الخلية الجافة كاتب على الكربون و مشاور عليه و كاتب بالنص "كاثود من الكربون (جرافيت)" ...ديه غلطة ولا ايه؟؟ مش المفروض ان الكاثود هو ثانى اكسيد المنجنيز؟؟؟......و فى نفص الرسمة كاتب ان ثانى امسيد المنجنيز+كربون+كلوريد امونيوم (الكتروليت) .يا ريت حد يوضح
5:ص203 ..فى تفاعل الشحن و التفريغ بتاع خلية النيكل كادميوم القلوية ....سهم التفاعل مكتوب بطريقة غريبة يعنى مش عارف ارسمه هنا لكنه عامل السهم الأعلى بيبص لناحية الشمال ..اما السهم الأسفل باصص لليمين ...بينما باقى الكتب الخارجية و الملازم عاملاه عادى يعنى الأعلى يمين و الأسفل شمال...هل ديه غلطة مطبعية؟؟؟ انا نسختى من الكتاب 2009 2010 مطابع الأهرام التجارية...
و حاجة اخيرة...بالنسبة لقيم الأكسدة و الاختزال سواء فى الجدول او التفاعلات اللى الكتاب كاتبها..هل أنا مطالب بحفظها؟؟؟ و ترتيب السلسلة الكهروكيميائية هل أنا مطالب بحفظه برضو؟؟ كذلك الحال فى قيم التغير الحرارى و الطاقة الناتجة من بعض التفاعلات هل مطلوب حفظها ام لاا؟؟
شكرا جزيلا
|