[داود احمد]

أتسأل لماذا هذا اليوم تحديدا ؟؟!
من الذى حدد هذا اليوم لعمل إعتصام ؟

بصراحة انا مش عارف ايه فائدة ان مجموعة من المعلمين المتعاقدين يخرجوا فى يوم 30/1 أول يوم فى اجازة منتصف العام من المفترض أصلا إن غيابهم من المدرسة مش هيأثر على أى حاجة وهيروحوا فين مش عارفين وإيه مطالبهم مش محددينها ....... وانتم فاهمين الباقى

إفتراضا جدلا يوم 30/1 كلنا طلعنا ماشى ووقفنا امام قصر عابدين أقصد امام المديرية أو الوزارة وقدمنا مطالب الشعب أقصد مطالب المتعاقدين والأجر


أبسط رد علينا هيكون (انتم خلاص اتعينتم وأساميكم راحت الاكاديمية والمديرية ...... نروح إحنا قايليين هيه هيه هيه ) وده فى أحسن الحالات اللى مش ممكن تحصل

أو ممكن يكون الرد ( طيب ياجماعة إحنا هنفذ كل مطالبكم بس سيبوا أساميكم وبيانتكم وأرقام الموبيل علشان نتصل بيكم ونروح إحنا قايلين برضوا هيه هيه هيه ) ونمشى وإحنا فرحانيين ومبسوطين ونروح المدرسة نلاقى الجزءات والخصومات مستنيانه أو منلحقش نروح المدرسة وانتوا عارفيين طبعا ايه اللى هيحصل بالليل وده برضوا فى أحسن الحالات اللى ممكن تحصل .

المهم واللى انا عايز أقوله ان إحنا مش بس عايزين شهادات مزاولة المهنة من الاكاديمية لأ دا إحنا عايزين تعيين بنفس شروط التعيين القديم زى زملاؤنا القدامى فى المدرسة