بداية خليني اقول ليه الامتحان صعب .؟
اولا الهندسة التحليلية مش سهلة بالمرة والطالب مش بيعرف يحل غير المسائل اللي فيها تعريض مباشر ي الاربع دروس سواء الميل او معادلة المستقيم او تنصيف قطعة مستقيمة او البعد بين نقطتين
وكلنا متفقين ان التحليلية طول عمرها صعبة واللعب في اسئلتها كتيييييير
وبرده انا متفق مع الاستاذ الفاضل الي قال ان الامتحان افكاره ليست بجديدة . لكن يااستاذنا الفاضل لاتنس انها غريبة علي طالب في الصف الثالث الاعدادي وليست في مستواه بالمرة
هذا الامتحان لايصلح الا لفصل متفوقين بالمدرسة . ده رأيي
لان ابسط الاسلة الطلبة كانوا بينسوه في التحليلية بالذااااااااات دونا عن اي جزء في المنهج
ومهما شرحت التحليلية باكثر من طريقة فهي برده صعبة وتقيلة علي اذهان الولاد وبينسوها بسرعة
وكان من المفروض علي وضع الامتحان ان يراعي هذا
لذلك انا شايف ان الموجهين والمستشارين مايحطوش امتحانات نهائي لاي مرحلة حتي لو ثانوي
اللي يحط امتحان يكون مدرس ونده خبرة كافية بالمنهج اما الموجه او المستشار فهو يراجع الاخطاء الفنية اللي في الامتحان بس لكن مايغيرش اسئلة فيه لان المدرس ادي واعلم بمستوي الطلاب في المدرسة قدامه المدارس المجاورة في المنطقة وبتكون بمثابة عينة يقيس عليها مستوي الطلاب في المنهج ده .. اما الموجه فكل فين وفين لما يدخل فصل والمستشار ياعيني مبيشوفوش خالص يبقي ازاي يحطوا امتحانات ؟!!!
وآسف علي الاطالة
__________________
الكثير من الفاشلين في الحياة هم أناس لم يدركوا كم كانوا قريبين من النجاح عندما قرروا الاستسلام عن موقع الأستاذ / عمرو خالد أفضل الطرق التي تجعلك تتنبأ بمستقبلك هو أن تصنعه بنفسك ستيفن كوفي قيمة الانسان هي مايضيفه الي الحياة بين ميلاده وموته د/مصطفي محمود
|