وحشتينى يا مصر..وحشنى ناسك الطيبين
وحشتينى يا مصر..وقلبى مليان بالحنين
قد ماالايام تاخدنى
مسيرى هرجع ابوس ترابك
واترمى واخدك فى حضنى
واشم عطرك فى رحابك
ويروى عطش القلب نيلك.. والعيون الدبلانين
فى بعادك والله دقنا.. يعنى ايه متغربين
مصر يا ام الضفاير .. يا عروس القارتين
الربيع لون الخدود.. والشمس صابحه عالجبين
دمتى يا بلدى عظيمه..مهما مرت السنين
وعاش يارب اسمك مخلد .. فى اسامى الخالدين