[ابن الأكرمين]

وحشتينا يامصر ....والله كلمة جميلة وحشتينا يامصر
ووحشنا شعب مصر المثقف الراقي الشهم الجدع
ال كان يشوف حد مظلوم يساعدة من غير مايفكر
ال كان يشوف عجوز واقف في المواصلات يقوم ويقعده
ال كان يشوف مهبول يعاكس بنت يقولة عيب دي ذي اختك
ال كان يقوم يتظاهر لما العيش بقى بقرش صاغ (مش بعيد ايام السادات)

لما كان عم فتحي عبده كل يوم يكنس وينظف ادام بيته وبيتنا وساعات كل الشارع ويزرع زهور
وشجر ادام بيته
وحشتيني يامصر لما كنت اشوف جارتي امال ماشية عينيها في الارض ولما عينيا تيجي في عنيها انزل عيني الارض ولو يوم لاقيتها اتاخرت امشي احرسها واخوف بعيني بس ال يبصلها
وحشتيني يامصر لما كان علي جمعة يشوف امي جاية من السوق يقولها هاتي ياخلتي عنك الشنطة
وحشتيني يامصر لما بيت صاحبي اتحرق وجريت زي المجنون من غير تفكير اطفي نارة وحصل في ثواني من غير ماخاف على نفسي
وحشتيني يامصر لما كنت اسهر اذاكر في البلكونة وجاري وجارتي شايفهم بيصموا ويحفظوا عشان ينافسوني ويطلعوا الاوائل ولما يغلبوني اجيبلهم قزازة شربات
وحشتيني يامصر لما عيالك طحنوا اليهود وربطوهم من ارجلهم زي الفراخ على ارض الفيروز بالالاف وقائدهم عساف ياجوري وملابسة مقطعة ومرعوب
......