03-02-2011, 12:04 AM
|
 |
طالب جامعى ( كلية حاسبات ومعلومات )
|
|
تاريخ التسجيل: Jul 2009
العمر: 34
المشاركات: 602
معدل تقييم المستوى: 17
|
|
بنحبك ياريس ؟؟؟
اولا وقبل اي حاجة احنا متفقين على انجازات مبارك الكويسة ...
لكن ييجي ايه دا ادام الدم المصري ؟؟؟
بقاله 30 سنة بيهمل شعبه وناس بتموت بسببه و عايشين ف جهل وفقر و تخلف و فساد وبطالة و ... الخ
بلاش 30 سنة .. وبلاش نتكلم عن العبارة و خالد سعيد وامثالهم كتير وبلاش نتكلم عن ضحايا المستشفيات و ضحايا الطرق وبلاش نتكلم عن فلوس البلد اللي اتسرق والاراضي اللي اتوزعت ع الوزرا ورجال الاعمال وبلاش الفساد ف التعليم وبلاش كل اللي فات كله وكانه محصلش ...
من اول يوم 25 .. ليه حضرته ماسمعش لشعبه ؟؟؟ ليه الاسلوب الحقير اللي تم المتظاهرين دا ..!!!
والفيديوهات موجودة بتوضح المعاملة الهمجية من الامن مع المتظهراهرين ... عربيات امن بتدهس المتظاهرين قنابل مسيلة للدموع رصاص مطاطي ورصاي حي ورش مياه على المتظاهرين حتى وهما بيصلوا !!!!!
وبعد كده قطع الاتصالات والانترنت واللي يعتبر بيوضح عدم اعترافه بينا كبني ادمين حتى !!!
وسحب الامن من الشوارع حتى المرور و المرافق العامة وحتى المطار .... ممكن حد يقولي ايه علاقة المظاهرات بالمطار ؟؟؟
اطلاق البلطجية والتخلي عن السجون واللي نتج عنه فوضى وتخريب ونهب للبلد ...
فرض حظر التجول 17 ساعة ف اليوم واللي مكانش ليه اي نتيجة غير انه عطل كل مصالح البلد !!!!
الاكتر من 300 واحد اللي ماتو ف الايام دي و الالاف اللي اتصابو والبيوت والمحلات اللي اتسرقت واتنهبت والبلد اللي اتخربت
مين هيجيب حق كل دا ؟؟؟؟
وبعد كل دا جاي يقولنا حوار مع قوى المعارضة ؟؟؟
مش دول اللي كانو بيطلبو منه يسمعهم قبل كده وكان بيتم اعتقالهم بتهمة الخيانة والانقلاب على النظام ؟؟؟
اللي حصل ف الاسبوع دا يمحي كل انجازاته الكويسة اللي حصلت و التاريخ مش هايفتكرله غير حاكم مستبد طاغية اهمل شعبه وضيع الاف ويمكن ملايين من شعبه طول ال 30 سنة !!!!
وفيه حاجات كتير تخلينا منصدقهوش ونصر على الاطاحة بيه دلوقتي مش ف سبتمبر !!!
النقطة التانية اللي عاوز اقولها انه لو مشي البلد مش هتبقى لعبة ف ايد الاحزاب اللي يلحقها الاول !!
فيه نائب رئيس الكل موافق انه يمسك البلد ف الفترة دي كفترة انتقالية يتم فيها التعديلات والاصلاحات لحد مايتم اجراء انتخابات نزيهة يختار فيها الشعب حاكمه !!!
وبالنسبة لموضوع اهانة الرئيس فهو اللي جابه لنفسه وهو يستحقها بجد لان اللي يفرط ف شعبه بالشكل دا وميعرفش ازاي يحترمه واللي ميقدرش قيمة الدم المصري وكرامة الانسان المصري ميستاهلش مننا اي احترام مهما كان ....!!!
|