السلام عليكم ورحمه الله وبركاته
الموضوع هو وبالمختصر المفيد إن اللى بيحصل ده أقل ما يقال عليه إنه مهزله
والكل ساكت أنا هكتب الموضوع ده
ولو حقى فعلاً مرجعش فيه وعد منى مش هدخل المنتدى ده تانى طول عمرى ولا ساعتها يلزمنى بأى شىء
Go_away_u_broken_my_heart
المفروض إنى مشرف إدارى الله وأعلم إيه اللى حصل
بعد أن قام مشرف الهكر سابقاً
بإختراق المنتدى وتعينى بدون الرجوع إلى فى هيئه الإداره تم عزلى من الإشراف الإدارى مع العلم
والجميع يعلم وأولهم الأستاذ أشرف إنى أول واحد معارف أفكار وليد وأنا السبب فى إحباط جميع محاولاته ولو الأستاذ أشرف له
دا غير إن المنتدى فى الفتره اللى فاتت كان تقريباً أنا المشرف الوحيد الموجود فى المنتدى وده بردو اللى عنده أى رأى تانى يقوله
لو كنت قصرت فى واجبى تجاه المنتدى ومش هزعل من رد أى حد مهم كان الرد
دا غير طبعا إن لما وليد إخترق الموقع إتعمل بان ليا معاه لإن وليد معايا على نفس الخط وده بردو الأستاذ أشرف عارفه
وكلمه الأستاذ أشرف أكتر من دشليون مره وكانت دائما ردوده سلبيه يعنى مكنش بينفذ وكنت ممكن أكبر
وأقول لما يبقى يحللى المشكله أبقى أدخل لكن للأسف دخلت ببروكسى عشان عارف إن مفيش غيرى أنا فى الإداره موجود
أقوم أتفاجىء بعد كل ده إن إتحذفت من الإداره وبكل بساطه دون الرجوع حتى ليا
أو معرفه إيه اللى حصل أكنهم بيرمو كلب بره
دا غير إنى بردو سمعت من عضو صديق ليا إنى مشركاتى قلت حوالى 1000 مشاركه إزاى بردو مش عارف
على فكره أنا حاليا مش قادر أدخل لأن البروكسى باظ ليه مش عارف المهم
إنى عاوز أفهم إيه اللى حصل والناس الكتير اللى أنا بردو بسمع إنهم إتعينو إداريين دول جم إزاى وبأى وجه حق
يا ريت أعرف إيه اللى بيحصل
دا بيتهيألى أقل حق ليا عندكم لأن أنا مش عارف أقول إيه
غير إن شكل الأعضاء اللى مشيت واللى لسه هتمشى كان عندها حق فى كل كلمه إتقالت وأنا اللى كنت موهوم كبير
على فكره الموضوع محطوط بإسمى بس مش أنا اللى رافعه أنا إديت لصديق ليا العضويه وهو رفعها لأنى لسه مش عارف اأدخل
وهو بردو اللى هيبلغنى بالردود
وأرجو عدم نقله من مكانه لأى مكان أخر يا ريت
( حسام مع إحترامى ليك يا ريت مش تنقله طلب منى ليك )