اقتباس:
المشاركة الأصلية كتبت بواسطة aymaan noor
بارك الله فى هؤلاء الشباب الذين عبروا عن طلبات الشعب المصرى بكامله ، فلقد اعادوا له حريته و كرامته ، و كلامك الانهزامى دا أكيد كان يقال أيضا قبل ثورة 52 و أكيد برده قبل ثورة 19 ، فهناك دائما من اعتاد الحياة فى ظل الظلم والقهر وهذا ناتج عن شئ واحد و هو أنه يبدو أنك حتى الآن لا تعرف حقوقك ، فلا تعرف أنك مواطن مصرى له كافة الحقوق التى يكفلها لك الدستور ،ولكن بسبب سوء حكم فترة مبارك الاخيرة أصبحنا لا نشعر بآدميتنا ونشعر أن ثروات بلادنا تنهب وتسرق لصالح اناس محددين قريبين من السلطة .
يابنى لا تكرر هذا الكلام الانهزامى والذى لا معنى له ، ولكن فكر كيف ستساهم فى اعادة بناء بلدك ان شاء الله بعد نجاح هذه الثورة الرائعة ، فكر كيف ستبذل العرق والجهد لتشارك فى جعل مصر دولة متقدمة تساير التطور العالمى |
شباب 25 يناير عبروا عن رايهم وقالوا مطالبهم واتحققت
اللى موجودين فى التحرير دول قاعدين ليه لسه عايزين ايه
دول لو مصريين وبيحبو البلد دى بجد وخايفبن عليها يرجعوا بيوتهم لكن هما مش مصريين الا بالاسم فقط
كلهم عملاء ومدسوسين
تقدر تقولى مين اللى بيمولهم ؟ مين بيوصل لهم الاكل والشرب لحد عندهم؟
تقدر تقول مين؟
دول لو من شباب 25 كانوا رجعوا بيوتهم بمجرد ما اتحققت مطالبهم
لكن دول الله اعلم هما مين ومين اللى وراهم
ربنا يسترها علينا
احنا قاعدين فى بيوتنا وخايفين نخرج فى عز النهار فما بالك فى الليل بيبقى شكلنا ايه
فوقوا بقى البلد بتضيع
وان كان فى فساد فالفساد موجود فى كل مكان
والعيب مش فى الرئيس العيب فى الشعب المستغل للظروف العيب كان فى الحكومه القديمه اللى كانت موصله له الصوره جميله وان الشعب مش محتاج لحاجه
حرام عليكم كفايه كده الراجل ماكانش قادر يقف على رجله مطعون فى ظهره مرتين فى وقت واحد ان كان من الحكومه ولا من الشعب اللى كان مقدمله فروض الولاء والطاعه ودلوقتى بيشتمه
الشعب بيشتم رئيس من اعظم رؤساء العالم
ربنا يتولانا