يا جماعة بجد الواحد مش عارف اية المصيبة اللي مصر فيها دلوقتي
شباب محترمة طلعت مظاهرات واتحققت مطالبها وزيادة
لية جماعات زي الاخوان والسلفيين وواحد زي البرادعي يستغلوا حاجة زي كدا لتحقيق مصلحة خاصة
يعني اية لزمتها التواجد في التحرير لدلوقتي ماحنا اخدنا اللي عايزينوا
دلوقتي التحرير فيو جميع الجنسيات واصبح مأوي لجميع اجهزة المخابرات الاجنبية والجواسيس
بجد حرام الي بيحصل مصر يا مصريين
انا نسي اسمع منكم دلوقتي اية المطلوب دلوقتي من الاعتصام في التحرير؟؟؟؟؟؟؟؟
لو رحيل مبارك فهوا خلاص كلها 6شهور بس . كمان مش عاجبكو
يعني محدش فكر في مواقف مبارك لحماية مصر دا كفاية انو رفض وضع قاعدة عسكرية امريكية عندنا زي قطر اصحاب الجزيرة
يا جماعة العملية دلوقتي بقت اكبر من اخوان ومعارضة ووطني والكلام دا كلو
احنا داخلين علي مرحلة حرجة علي مصر من القوي الاجنبية . احنا مطمع لدول كتيييييييير
دول مستنيين اللحظة الي مصر تتهز فيها هنلاقيهم علي راسنا علي طول
وساعتها ولا هينفعنا اي دولة من اللي بينادوا بتغيير فوري
انتوا ناسيين العراق والسودان والحرب الاهلية في لبنان واليمن وباقي الدول دي
ياجماعة فوووووووووقوا بجد كدا حرام علينا بلدنا
|