[نورالسماء]

صحيفة الجارديان تقول ان ثروة الرئيس مبارك و عائلته يمكن ان تكون 70 مليار دولار .طب نيجى نحسبها مع بعض:
هذا الرئيس طوال مدة حكمة اكيد اكيد كان بياخد مرتبه و مبيصرفهوش فى حاجة فهو كان عايش فى قصر الرياسة بياكل و يلبس و يقضى اجازات هو و اسرته ببلاش ده بالاضافة الى انه بياخد بدل سفر عن سفرياته الكثيير اضف الى ذلك مرتبات زوجته و ابنائه و اذا كانو مشتركين فى مشاريع بتجيب لهم ارباح بالاضافة الى فوائد البنوك.
تعالو نحسبها مع بعض اعتقد ان احنا هنلاقى ان 70 مليار دولار مبلغ عادى .
يا جماعة بلاش ناخد كل حاجة على انها سرقة و بس تعالوا نشغل عقلنا و نشوف اذا كان ده حقة و لا لأ .
تعالوا كمان نفكر ليه صحيفة بريطانية تنشر الكلام ده دلوقتى الا اذا كانت عايزة شحن الناس و عدم الاستقرار فى مصر.
يا جماعة قبل اما تحكموا فكروا الاول و حكموا عقلكم و بلاش ناخد لكلام على علته و نرمى الناس بالباطل.
ولم يوجد على مر التاريخ زعيم او خليفة تتفق او تختلف عليه الناس كلها مثل عمر بن الخطاب –رضى الله عنه- كان له مؤيدين و معارضين و جميع الخلفاء الراشدين و زعماء و ملوك الدول فبلاش تصفية الحسابات الشخصية دلوقتى.
فدلوقتى مصر اهم و الدفاع عن الرئيس ليس لشخصه فانا لا اعرفه و لكنه رمز البلد و بعدين دلوقتى لو الئيس مشى هتبقى عادة ان اى حد مش عاجبه حاجة يروح يعتصم فى ميدان التحرير وبالالى مش هيبقى فى نظامو البلد هتكون فى فوضىو بعديس الئيس الجديد هيكون له مؤيدين و معارضين يجمعوا شوية ناس و يروحو ميدان التحرير و يعتصموا عشات يتنحى.
الكلام ده مينفعش يا جماعة البلد هتبقى فى فوضى لم يكن لها مثيل من قبل يا جماعة مصر اولا و هى الاهم دلوقتى ففكروا فى مصر شوية