[جارةالوادى]

لاحول ولاقوة الابالله انا مقلتش انهم لارعاعولاحاجة اناقلت انهم عملو حاجات كتير ومطالب كويسة جميلة زى مناخ الحرية اللى عايشينه حاليا وان كان حرية فوضوية خلت الامن يهتم بيهم ويسيب مصر كلها من غير امن ومواد الدستور اللى هتتناقش ووزارة جديدة مليانة امل ومجلس الشعب اللى هينظر فى عضوية النواب فيه وهتتنفذ احكام القضاء فى نوابه والحزب الحاكم واعوانه اللى عمر ماكان حد يحلم بانهم هيخرجو وكمان هيتحاكمو والرئيس اللى هينهى مدة رئاسته السنة دى ومفيش توريث طبعا وكلها مطالب وبتتنفذ وحقيقى مش احلام فاضل ايه تانى عايزين نشوف بلدنا بقى ونصلحها عشان نقدر نحس بالثورة دى انما معنى وقفتهم دى ايه لغاية دلوقتى الااذا كانت بقى اجندات تانية قامت على مظاهرات 25يناير البناءة وبالنسبة لقطاع كبير ده فى منتهى الاستغلال وسوء النية ومش قادرين يحطو مصلحة مصر قبل مصالحهم الشخصية
عموما انا متعاقدة ومعنديش مشاكل وراضيةبحالى الحمد لله وباذن الله هتعين عشان ده حقى وفيه قانون بيكفل لى ده ومتفاءلة جدا باذن الله وهروح شغلى انا وناس كتير جدا جدا ابتداءا من بكرة وهنمارس حياتنا وهنحب مصر بطريقتنا وطريقتنا دى تتمثل فى اننا مش هنعمل مظاهرات حتى لو نيتها سليمة وسلمية لان منتهزى الفرص كتير والمندسين اكتر وهيقتلوها ويبهدلوها والله اعلم كمان ممكن يكون فيه غباء سياسى وامنى يتعامل معانا غلط ويؤدى لاحتقان الموقف وتازمه ولالاء وتبقى الضحية مصر وامان مصر واقتصاد مصر انما هنبذل كل مافى وسعنا فى شغلنا على اد ماربنا يقدرنا ونحاول نبقى احسن واحسن فىالجانبين شخصى او عملى واكيد ربنا هيوفقنى ويوفقهم لان النوايا سليمة والفعل كمان اللى مصاحبها منطقى وعاقل وان مشى بشكل فردى الاول فبالحوار والقدوة الحسنة والصبر هيبقى سلوك جماعى
بعتذر للجدل اصل انا معنديش وقت وبراحة راحة حضرتك تقفى تقعدى تعسكرى فى الميدان متفرقش كتير معايا ولامع فئة تمثل اغلبية كتيرة جدا جدا اسمها الاغلبية الصامتة بس طبعا هما الايام اللى فاتو كانو مشغولين فى اللجان الشعبية زى اخواتى وقرايبى بيحرسو بيوتهم وممتلكاتهم وكمان ممتلكات اللى خرجو فى الميكروبوصات قصدى الميدان والايام الجاية بقىمضطرين يروحو شغلهم ويعملو الخطة اللى انا قلت لحضرتك عليها عشان كدة بقى مضطرين يفضلو صامتين لان اللى بيتكلم كتير مش بيعمل حاجة وسياسة خدوهم بالصوت دى عمرها قصير اوى ومش بتبنى بلاد ولاديمقراطيات ولابتجيب حقوق وعلى فكرة حضرتك ربنا يرحم كل الشباب اللى ماتو ويغفرلهم سواء الشرطة او المتظاهرين ومحدش يجبرنى اقول عليهم شهداء لان لهم رب اعلم بالنوايا والافعال وربنا يرحم امواتنا جميعا