شكراً لشاعرة المنتدى
الهام صلاح
لو كنت مصرى راح تبنى مصر
لو كنت وطنى لك شوق ف نصر
إياك تنادى بسقوط لمصر
أصل الرئيس ده رمز مصر
وإن كنت ناسى هتشوف بعينك
كنت ماشى مرفوع جبينك
كنت آمن مرتاح فى بيتك
كنت مطمن فى دينك
كانت أمك تحضن ضناها
تحلف بإنك هتصون ثراها
مطمئنة إنك وراها
إياك تقول اللقمة صعبة
إياك تقول ملعون دى نعمة
أومال زمان
زمن الطرب
كان الرغيف ناشف حطب
والحلو ليهم كان عود قصب
بس الإيمان قبل القناعة
خلى حياتهم ألماظ دهب
طلع الإمام طلع البطل
طلع الشهيد طلع القلم
طلع الطبيب ويا الأديب
كانت الحياة علم وأدب
دلوقتى إنت هتقوللى إيه
الفقر عمره ما كان السبب
بطل كلام بطل شعارات
كتر الكلام والشعارات
مش هيفيد الندم
__________________
اطلبوا العلم، فإن عجزتم فأحبوا أهله، فإن لم تحبوهم فلاتبغضوهم هيا بنا نتعلم الديمقراطية <!-- Facebook Badge START --><!-- Facebook Badge END -->
|