[**تسابيح**]

أهلا ياحاج بانزر
عاش من شاف مواضيعك
بصراحة تحليل متميز جدااا ....
حتي العرب منهم اللي بيقولوا عليه خاين وعميل وحاجات كداا
في الريس ....انا بجد منغاطة ...لان ع راي المثل
ادعي علي ريسي واكره اللي يقول آميييييييييين
يعني احنا نقول ماشي .......لكن حد تاني مرفوض بصراحة...
أنا متفقة معاك أن اللي خلانا نستحملة 30 سنة
نستحمله 6 شهور ........وبعدين ميدان التحرير قريب وادينا عرفنا الشارع لو مش عجبنا أي حاجة هنقعد له في الشارع مش هنخرج .....
وبعدين المسألة مش لعب عيال يعني ...يعني قال هعمل اصلاحات ومش هترشح تاني....مستحيل يرجع في كلامه .....
ان جيت للحق لما كنت بسمع المليارات دي ....كان بيجي لي حالة ذهول تام ........مصر بيدخل لها مليارات دي كلها
اومال احنا عايشيين في فقر ليه؟
وبنأخذ معنوات من الخارج ليه ..؟
بس الثورة دي قضت ع الخوف التام فاكرة ايام 3اعدادي كان بيدينا استاذ ازهري فبيقول يابنات اوعي واحدة فيكم تتكلم في السياسة ممكن يأخذوكم امن دولة وبالذات لما تدخلوا الجامعة ...
ولحد قبل 25 يناير مكنش حد يقدر يفتح فمه بكلام في السياسة
دلوقتي حتي الأطفال والله بتتكلم....اعرف اطفال عمره 9 سنيين وبتكلموا ف اللي بيحصل ....وأمن الدولة القمعي
انظبط ..تصدق واحد قريبي كان بيحكي ع واحد في المرور
الراجل دا كان قبل كدا بيتكلم بعجرفة رهيبة
بعد اللي حصل دا مش اقولك بئا بيبتسم
اذا كان الريس اتعمل فيه كداا اومال الغلبان دا هتعمل فيه ايه
يعني كان ليها ايجابيات .......
حتي حكام العرب
زي بتاع العراق مش هرشح نفسي.ثالث...
وبتاع الجزائر رفع قانون الطواريء وقال لشعبه اللي عايز يقوم بمظاهرات بيتظاهر بس مش ف العاصمة .....
وبتاع الأردن اللي هي ملكية يعني فيها وراثة شال الحكومة القديمة وقال انه مش هيرشح نفسه ...
كل واحد منهم بئا خايف ما هو اللي حصل في مصر وتونس مش شوية

وكان بردو ليها سلبيات ....الاحتجاج في ميدان التحرير ..
عمل شلل في مصر .......اعرف ناس كثير
بيشتغلوا في شركات ومصانع في القاهرة بقالهم كثير مش راحوا شكلهم
وامبارح لما فكروا يروحوااا ...كان الطريق المؤدي للقاهرة مقفول ع ما أظن بالنسبة لبلدنا .....
وغير ان الشركات كمان مش بتشتغل ..
بصراحة الحزن الشديد ع السياحة اللي ادمرت ..والصناعة
يلا ربنا ييسر الأمور ويعدي الأمور ع خير