[عاشق البلانكو الابيض]

المشاركة الأصلية كتبت بواسطة hamada01182

مش عارف اوصف الحاله اللى انا فيها ازاى

الاول كنت مبسوط

وبعدين بقيت قلقان

انما دلوقتى
انا خايف بجد خايف

لا انا بحب حسنى مبارك

ولا انا كمان بكرهه
بس الاكيد
انى بحب البلد دى اوووى

اول مره اقولها واكون بالطريقه دى

التفكير دلوقتى مش فى الاشخاص

التفكير دلوقتى فى بلدنا

خوفى دلوقتى على البلد اللى عشت فيها طول حياتى

ماشفتش غيرها
ولا حسيت بدفئ بلد غيرها

وبرغم كل اللى بيحصلها مش عايز اعيش ولا اموت فى اى بلد غيرها

الاول حسيت اننا فى حلم حلمناه من زمان وبيتحقق

انما دلوقتى احنا فى كابوس مش عارفه هيوصلنا لفين

حققنا حاجات كانت اكبر حتى من احلامنا

بس الانسان بطبعه طماع ومفيش حدود لاحلامه

كل ما حلم يتحقق بيبقى عايز يوصل للى بعده

خوفى ان الطمع ده يوصلنا لنهايه ماحدش فينا يتمناها

ربنا عرفوه بالعقل
وربنا بعظمته وقدرته خلق الكون بحاله فى 7 ايام

يبقى احنا اللى مجرد بشر مش هنمحى اللى بيحصل بقاله 30 سنه كأنه ماكنش له وجود
كل حاجه هتحصل بس بالصبر

مبسوط بالتغيير اللى حصل للان

عشان كده عندى استعداد استنى واشوف التغيير ده هيوصلنا لفين

بس بالوضع الصعب اللى الشارع المصرى وصله دلوقتى
وعدم وجود امان جوه اى حد فينا

هيخلى عنينا مش قادره تشوف اى تغيير هيحصل

ولا الوضع ده هيسمح اصلا بأى تغيير يحصل

قلبى بجد واجعنى من حال بلدى

مش متحمل اشوف اللى بيحصل ده

نفسى افوق من الكابوس اللى احنا عايشين فيه

عشان اقدر استمتع بالاحلام اللى اتحققت

اى حد بيخاف على البلد دى حقيقى من جواه

يبطل يفكر انه مؤيد والا معارض

ويبطل يفكر انه عايز مين ومش عايز مين

ويبطل يفكرفى الاشخاص بحد ذاتهم

الاهم
اننا نكون اذكى من اى حد بيحاول يوقع بلدنا
اننا نحافظ على بلدنا ونحميها

ده حقها علينا
يـــــــــاريت كل واحد يدعى ربنــا انى يحفظ هذه البلد ويحفظها من كل مكروه

كلامك سليم البلد اهم من اى شخص
شكرا للمشاركة الرائعة
منور الموضوع