اقتباس:
المشاركة الأصلية كتبت بواسطة ابلة هدى
عوداً احمدا مستر فهمى
|
اقتباس:
المشاركة الأصلية كتبت بواسطة ابلة هدى
نشكر العادلى ان اعادك الى المنتدى 
|
أشكرك بصدق أستاذتنا الفاضلة
غير شكر العادلي طبعا
شكر العادلي ده حاجة لوحدها خالص
لقد أضاء الموضوع
واكتسب أهمية خاصة بتشريفك لنا
وسعدت كثيرا بردك
وأرجو أن نشكر الظروف
برضُه غير شكر العادلي
فالمصادفة وحدها هي التي فعلت ذلك
علي فكرة أنا شكرت العادلي وأنس الفقي
وحضرتك شكرت العادلي فقط
كده أنس الفقي حا يزعل
مع إن نفسي ومني عيني يزعل
وتاخده الجلالة ويرد
بصفته بتاع إعلام
ومازال في منصبه
ويطلع علي الهواء وعلي الملأ ويعتذر
طبعا مش ليَّ لوحدي
فإذا لم يعتذر
فسيكون بيني وبينه تار
لأنه قتل أشياء كانت جميله في نفوسنا
جعلتنا فريسة لكل من هب ودب
ولكل من نفخ في اللهب
وصب عليه الزيت
لكن الحمد لله إنه ما طلعش زيت التموين
أما العادلي فأنا أعذره المسكين
لأنه طبعا مش حايرد وده برضُه أحسن
لأني أخشي أن يرد بطريقته
لأنه زي ما انت عارفة يا أبلتنا الفاضلة
إن القطة بسبع أرواح
ودي حا تبقي كارثة جديدة
والعياذ بالله
لكن بأمانة أنا واثق ومطمن إنه لن يرد
لكن والله يا أبلتنا
إللي محيرني وحازز في نِفْسي
إن أنا مش عارف هي القطة إللي اندبحت؟!
والا إحنا إللي اندبحنا ؟؟!!
