بصراحة شديدة
في اول ايام التظاهرات كنت كل ما اشوف التليفزيون المصري افتكر ايام نكسة 67
ايام ماكانت وسائل الاعلام بتكذب علي الشعب
و بتقول ان الجيش المصري يسقط طائرات الاعداء وانه منتصر
و الواقع ان طائراتنا اضربت وهي علي الارض
و طبعا الاذاعات الغربية كانت بتقول الحقيقة
و كان اللي يسمع اذاعاتنا و الاذاعات الغربية يبقي في وضع لا يحسد عليه
التليفزيون المصري كان في اشد وقت المظاهرات فيه مشتعلة ... يقول كله تمام و الوضع تحت السيطرة
افتح قناة الجزيرة اشوف مظاهرات مليونية
افتح العربية نفس الحكاية
bbc نفس الوضع
طب اصدق مين و اكذب مين
و في الاخر قولت اريح دماغي ولا اصدق التليفزيون المصري ولا اي قناة
و صدقت نبض قلب كل متظاهر بيقول لا للفساد و الظلم و المحسوبية
لا لكل واحد عايز يخرب مصر
لا لكل واحد مش عارف مصلحة بلده
نعم لثورة مصرية حقيقة
جمعت بين مسلمين و اقباط
(قلب واحد نبض واحد اتجمع علي حب مصر )
آخر تعديل بواسطة Egypt for Ever 25 ، 08-02-2011 الساعة 05:57 PM
|