قومي يامصر
............
مصر حبيبتي ياغالية عليه
من أسوانك لإسكندرية
ياأرضي وناسي ونن عنيه
حبك يجري ياحلوة بدمي
يابيتي ووطني وأحضان أمي
مين غيرك ياخد من همي
ويطبطب على كتفي شويه
قامت وسط خدودك ثورة
بتهتف بأمجادك ومنورة
حطتلك بشفايفك حـُمرة
وبدماها صارت وردية
وشبابك قامت من نومها
ومحدش قادر يشكمها
وراحت بتطالب من يومها
وتنبض بقلوبها الوطنية
بوطن كبير يفكر فيهم
بيعيشو بضلو بحرية
وبيت يأمن مستقبلهم
وشغل شريف وعيشة هنيه
هما أولادك هما حبايبك
وبنيلك عاشو مراكبيه
إيد واحدة .. وهدفهم واحد
وفيهم قبليه وبحريه
مين غيرك بالحب يجمعهم
ويعيشو ا فى حضنك عشريه
أنت ألمازة كبيرة تنور
على راس الأمة العربية
مين إللي كتملك أنفاسك
وسيح دمك بالأحجار
وشرد بأولادك وبناسك
وضربهم دخان ونار
وسجنهم وأستفرد بيهم
وخلاهم بكسوف وعار
كأنو بينو وبينهم حاجة
كأنو بياخذ منهم طار
مين إللي قتل فيك فراشة
وبادل مكانها بصرصار
وجاع الدارس والمتعلم
وشبع فيك كل حمار
وعشان أصحاب الخنزير
ثارت أعصاب الجماهير
صرخة شعب كبيرة وقامت
ثورة بميدان التحرير
جينا بأحضانك يابلدي
جينا نعيش بأمن وخير
ويرجع المهاجر ومسافر
ويعيش بأوطانه أمير
عشت يامصر أبية وحرة
وحب أولادك ليك كبير
الدمايطة