[smsma81]

ايه رايكم نفكر كلنا ونربط الاحداث لان انا مش عارفه اعمل حاجه من وقت ما سمعت الخطاب وكان فيه حاجه ضربتني علي راسي

اولا وزير الخارجيه امس بيقول احتمال الجيش يعمل انقلاب عسكري
ثانيا وزيرالدفاع الامريكي يقول ان حسني حيتنحي اليوم
ثالثا معروف ان فيه خلافات بين المشير طنطاوي وعمر سليمان (بمعني ان لو مبارك ساب الحكم لعمر سليمان خيبقي فيه خلافات والجيش مش حيرتاح والشعب كمان بعد سليمان ما كسب كره الشعب ليه بعد تصريحاته )

رابعا خد في الاعتبار ان قاده الجيش منقسمين علي نفسهم من فتره وفيه ناس قدمت استقالتها من الجيش وجاء علي لسان احدهم ان من مهمه عمر سليمان كرئيس لجهاز المحبرات هو حمايه مصر ومقدرات شعبها فاين انت من المليارات التي نهبت وذهبت للخارخ يا رئيس المخابرات وحامي شعبها!!!!!!!!!

خامسا معني ان الجيش قادته كلهم يجتمعوا من غير القائد الاعلي وهو حسني واعلان المشير طنطاوي انه هو القائد الاعلي معناه تنحي مبارك (وعمر سليمان يذهب بذهاب مبارك )

سادسا لو حطينا في الاعتبار ان فيه شهود عيان شافوا طياره الرئيس وهي تغادر ارض الوطن اذن هو مش موجود


ووجه سليمان وهو يقول الخطاب برضه يا جماعه تحسوه مش طبيعي وفيه حاجه كسرته وفي رنه صوته


طيب ايه اللي حصل ممكن نقول تامين خروج لمبارك الي ان يصل المكان الذي يريده او البلد الذي اختاره حتي لا يعيقه شئ او تضرب الطياره او تسقط بفعل فاعل او ماشابه ذلك وخاصه ان البوارج الامريكيه علي الحدود بزعم تامين اسرائيل .

وبكده يحطوا التسجيل يقول انه علي قلبنا لحد ما يمشي وفي نفس التوقيت يعزز موقفه سليمان لانه صديقه الشخصي ال1ي يحبه بجد وفداه شعب مصر كله من وجه نظره وكمان الجيش يعمل انقلاب علي سليمان مش مبارك يعني بكده نستني القرار الثاني للجيش

ويا رب خير ::::::::عشان انا حاسه اني بقيت في مرحله خيال علمي


بالنسبه للناس انها ترجع وكلام وائل غنيم مش حيحصل اطلاقا لان وائل بياثر في مجموعه معينه عددهم 150 واحد اعلنوا اسمهم في جريده الشروق انما فيه ناس ماتت بالشعب متعرفش خاجه عن وائل غنيم ويمكن ما شفتهوش الا مع مني الشاذلي ده غير الجرحي من جميع اطياف الشعب وشرائحه ده غير جماعه المحامين اللي كونت جماعه عشان ترجع ثروه مصر المنهوبه من بره ........والمستشارين والقضاه. واساتذه الجامعات والعمال في حاجات اكبر من وائئل غنيم بكتير انه يقولهم ارجعوا وناس اتأذوا اكتر منه بكتير يمكن ربنا اكرموا واتعامل باحترام في امن الدوله في ناس من اول الثوره اعتقلت وانضربت بالجزم وده اقل شئ