[اميمة طه]

النهارده يوم صعب فى تاريخ مصر

يا ترى من المضحوك عليه فعلا : الناس اللى لسه واقفه فى الميدان بعد المطالب ما اتحققت وشايفين ان لا لسه راس النظام وميعرفوش اى حاجة عن اللى بيحصل بره ولا الناس اللى شايفة اللى بتعمله امريكا واسرائيل والامدادات الهائلة اللى دخلت القناة ومحاصرة مصر من كل الجهات ومش فارق معاهم لا بتوع تحرير ولا تعيينات ولا غيره ومش شايفيين الا مصر .... ولا الناس اللى كل يوم عاملة مظاهرات عشان تتعين ولا الناس اللى بتطلع على الفضائيات تشتم فى مصر ولا الناس اللى لسه بتكمل المؤامرة للاخر وبتحبكها ولا الناس اللى ماشية مع التيار ومش عارفه حاجة والله فى ناس بتمشى فى مظاهرات كده من غير هدف اهى للتجربة وخلاص والمهم كله نازل اتهامات فى بعضه انت فاسد وتبع النظام وعميل والتانى لا انت اللى مش عارف مصلحة البلد والتالت اللى ميهموش لا الاول ولا التانى ويهمه زى ما بيقولوا يركب الموجه .................
فهل يا ترى الثورة دى هتودى مصر لفين ولايه؟
الايام هتثبت وتبين اللى صح من اللى غلط...................
يا ترى التاريخ هيكتب ايه على اللى بيحصل دلوقتى؟؟؟؟؟؟؟؟