[MiSty AnGel]

المشاركة الأصلية كتبت بواسطة شيماء20

وامبارح ما كانتش بلدنا
مين قالك ترمى زباله فى الشارع؟
مين قالك تكسر اشاره؟
مين قالك تدفع رشوه؟
مين قالك تزور او تستهتر فى شغلك ؟مين قالك تعمل كده؟

فى مثل عند الفلاحين بيقول ان الغربال الجديد له شده
بمعنى اننا دلوقتى بنقول هانغير وها نعمل الصح ومش هانعمل الغلط
يعنى دلوقتى فى ناس مبسوطه وفرحانه جدا بتنحى الرئيس وبيقولو بس كده خلاص مافيش ظلم ومافيش ومافيش شويه بشويه الامور هاترجع كما كانت وممكن للاسوأ



ربنا يستر علينا وعلى البلد

اللي فرض عليا الحاجات دي سياسة الدولة
لما يبقي الرئيس خاين لبلده والحكومه خاينه
والرئيس حرامي والحكومه حراميه
الرئيس مزور ومجلسي الشعب والشوري مزورين
السجون مليانه ابرياء والحراميه برا
وكل همهم سلب ونهب ومحدش واخد حقه
وقري بتشرب من المجاري ولا حد همه
وناس مش لاقيه تاكل ....الخ الخ الخ
فطبيعي البلد تبقي مليانه سرقه وغش وظلم
ده ذنب مين
ذنبي وذنبك؟؟
ولا ذنب الحاكم والحكومه والحكم
كلكم راع وكلكم مسؤول عن رعيته

وبعدين الشعب بتأثر بالحاكم والحكام
زي ما التلميذ بيتأثر بالمدرس و بابوه وامه

يبقي ده مش ذنبنا ده ذنب السلطه

الناس كان كل همها تعيش.. بقي كله يكذب عشان يعيش
كله يسرق عشان يعيش
كله يغش ويزور عشان يعيش
والناس المحترمه تتحط في السجون
وعمر ما حد محترم تولي منصب قيادي في 30 سنه اللي فاتوا
يبقي احنا شعب نضيف
انضف مايكون
بس هما اللي بوظونا
بس احنا خلاص فوقنا
ومش هنسمح لحد يشوهنا تاني