الحلم اللى صار ممكن –شعر إلهام صلاح
باعزف على أوتار قلبك
وأغرق فى بحر حنين قربك
وبنسى الدنيا وياكى
وليه بتقولى مش ممكن
أنا الفارس بأشواقى
أنا الحلم اللى صار ممكن
أنا الشاعر معاكى بعيش
بعيد عنك حياتى مفيش
وطير جارح بيرصدنى
وحبك يا حياة روحى
كسا جناحى بأجمل ريش
**************
أنا السارح فى دنياكى
أنا السالك دروب قلبك
أنا الراوى لأزهارك
أنا النابض بغير دمى
دمايا أثير لأنفاسك
تعطرها بأحلى عبير
كتير أطلب وأتمنى
أعيش وياكى ف الجنة
*************
ما أنا الشافى جروح قلبك
وأنا الماسح دموع العين
وأنا السامع صراخ دمعك
وأنا الساند
وأنا البانى
وإمتى تفوقى وتشوفى
ضياع قلبى فى بحر أنين
************
أنا مقدرش أتحمل
كلام منك بيجرحنى
بيكوينى
وأنا جنبك
صديق وقريب
أنا نفسى تضمينى
وتحيينى
وبتمنى أكون ع القلب
أغلى حبيب
يداويكى
يواسيكى
ويهديلك دوا مكتوب
بأمر طبيب
هذه القصيدة إهداء لمصر وشهداء الثورة
|